No translated content text
Endurskoðunarnefnd
ENDURSKOÐUNARNEFND
Árið 2015, þriðjudaginn 7. apríl var haldinn 91. fundur endurskoðunarnefndar Reykjavíkurborgar. Fundurinn var símafundur, og hófst kl. 15:00. Viðstaddur var Ólafur B. Kristinsson. Inn hringdu Inga Björg Hjaltadóttir, Ingvar Garðarsson og Sunna Jóhannsdóttir. Fundarritari var Hallur Símonarson.
Þetta gerðist
1. Ársreikningur A hluta og samstæðu Reykjavíkurborgar fyrir 2014. Lagt fram handrit að ársreikningi Reykjavíkurborgar fyrir árið 2014 dags. 1.4.2015. Einnig lögð fram drög að umsögn endurskoðunarnefndar til borgarráðs um ársreikning A hluta og samstæðu Reykjavíkurborgar fyrir árið 2014
Endurskoðunarnefnd leggur fram svohljóðandi bókun:
Nefndin hefur í samræmi við hlutverk sitt fundað með stjórnendum Fjármálaskrifstofu, ytri og innri endurskoðendum, formanni borgarráðs og fleiri aðilum. Ýmis mál tengd reikningsskilum Reykjavíkurborgar og B hluta félaga komu til umfjöllunar í nefndinni og verður nánar gerð grein fyrir því í ársskýrslu nefndarinnar. Ytri endurskoðendur Reykjavíkurborgar hafa upplýst nefndina um að áritun þeirra á ársreikning samstæðunnar fyrir árið 2014 verði fyrirvaralaus. Endurskoðunarnefnd hefur komist að þeirri niðurstöðu á grundvelli ofangreinds að ekkert bendi til annars en að ársreikningur Reykjavíkurborgar fyrir árið 2014, sem verður lagður fram á fundi borgarráðs þann 9. apríl nk., teljist fullgerður og tilbúinn til endurskoðunar í samræmi við 3. mgr. 61. gr. sveitarstjórnarlaga nr. 138/2011.
Framlögð umsögn endurskoðunarnefndar til borgarráðs Reykjavíkurborgar um ársreikning A hluta og samstæðu Reykjavíkurborgar samþykkt.
Fundi slitið kl: 15:11
Ólafur B. Kristinsson
PDF útgáfa fundargerðar
Endurskoðunarnefnd 7.4.2015 - prentvæn útgáfa