Endurskoðunarnefnd
ENDURSKOÐUNARNEFND
Ár 2020, fimmtudaginn 18. júní var haldinn 192. fundur endurskoðunarnefndar Reykjavíkurborgar. Fundurinn var fjarfundur og hófst klukkan 9:05. Lárus Finnbogason, Diljá Mist Einarsdóttir og Sigrún Guðmundsdóttir taka þátt í fundinum. Fundarritari var Hallur Símonarson.
Þetta gerðist:
1. Lögð fram að nýju fyrirspurn frá Ríkisskattstjóra dags. 16. mars sl. um að gera grein fyrir hvernig tryggt verður að innihald og framsetning skýrslu stjórnar Félagsbústaða hf. sé viðeigandi og uppfylli ákvæði Vl. kafla laga nr. 3/2006 og reglugerðar 696/2019 um framsetningu og innihald ársreikninga og samstæðureikninga. Jafnframt lögð fram drög að svari endurskoðunarnefndar dags. í dag. IE19110008
Samþykkt með tveimur greiddum atkvæðum að senda svarið til Ríkisskattstjóra og stjórnar Félagsbústaða
Bókun Diljár Mistar Einarsdóttur
Ég tel mikinn vafa leika á um hvort reikningsskil Félagsbústaða hf. og upplýsingagjöf stjórnar félagsins sé yfirhöfuð fullnægjandi. Af þessum sökum mun ég ekki undirrita svar endurskoðunarnefndar Félagsbústaða hf. við spurningum er varða upplýsingagjöf félagsins.
2. Lögð fram að nýju fyrirspurn frá Ríkisskattstjóra dags. 16. mars sl. um að gera grein fyrir hvernig tryggt verður að innihald og framsetning skýrslu stjórnar Orkuveitu Reykjavíkur sef. sé viðeigandi og uppfylli ákvæði Vl. kafla laga nr. 3/2006 og reglugerðar 696/2019 um framsetningu og innihald ársreikninga og samstæðureikninga. Jafnframt lögð fram drög að svari endurskoðunarnefndar dags. í dag. IE19110008
Samþykkt samhljóða að senda svarið til Ríkisskattstjóra og stjórnar Orkuveitunnar
Fundi slitið kl. 9:25
Staðfest í tölvupósti
í samræmi við ákvæði reglna um fjarfundabúnað
Lárus Finnbogason
Diljá Mist Einarsdóttir Sigrún Guðmundsdóttir
PDF útgáfa fundargerðar
Endurskoðunarnefnd 18.06.2020 - prentvæn útgáfa