Viltu hafa áhrif á þjónustustefnu Reykjavíkurborgar

Lögð hafa verið fram til kynningar og umsagnar drög að þjónustustefnu Reykjavíkurborgar en  stefnan er unnin af stýrihópi sem starfar á ábyrgð stjórnkerfis- og lýðræðisráðs. Drögin má finna á vef Reykjavíkurborgar reykjavik.is/thjonustustefna. Þar er einnig að finna opna gátt fyrir ábendingar og athugasemdir.

Reykjavíkurborg er þjónustuaðili sem leggur áherslu á að veita borgarbúum aðgengilega, fjölbreytta og framúrskarandi  þjónustu. Stærstur hluti starfsemi Reykjavíkurborgar felst í þjónustuveitingu með einum eða öðrum hætti. Íbúar borgarinnar eru viðskiptavinir hennar og eiga rétt á að vita hvers þeir geta vænst þegar þeir sækja þjónustu eða óska eftir henni. Allt starfsfólk borgarinnar sem og svið og deildir innan hennar eiga að vera meðvitaðir um hvað felst í þjónustu Reykjavikurborgar. Skýr þjónustustefna stuðlar að enn betri þjónustu Reykjavíkurborgar við borgarbúa.

Reykjavíkurborg hvetur íbúa til að kynna sér málið og senda inn ábendingar, tillögur og athugasemdir.