Nemendur á myndlistarbraut Fjölbrautarskólans í Breiðholti máluðu um helgina vegglistaverk á húsgafl við Vesturberg 70 – 74.
Myndlistarbrautin stóð fyrir samkeppni meðal nemenda um besta vegglistaverkið og varð hugmynd Moniku Jóhönnu Karlsdóttur Fuglaflæði fyrir valinu.
Það var húsfélagið sem óskaði eftir því við myndlistarbrautina að máluð yrði mynd á gaflinn, en hann hefur í gegnum tíðina verið vinsæll meðal veggjakrotara.
Húsfélagið, Reykjavíkurborg og Litaland styrktu verkefnið.
Myndir eru fengnar af Facebooksíðu myndlistarbrautar FB.