![Sundlaugarvörður í rauðri peysu stendur á brúnni yfir Laugardalslaug. Bjart veður.](/sites/default/files/styles/landscape_small/public/2024-02/23042502_sundl_157_1_0.jpg?h=82f92a78&itok=icykLLHL)
Reykjavíkurborg auglýsir fjölmörg fjölbreytt og skemmtileg sumarstörf í ár og er lágmarksaldur umsækjenda 17 ár.
Störfin eru margvísleg og snerta daglegt líf borgarbúa með ýmsum hætti. Leitað er meðal annars að sumarstarfsfólki til starfa í íbúðarkjarna, í siglingaklúbbinn Siglunes, í sundlaugar og heimastuðning, á Borgarsögusafn, í garðyrkjustörf, í götuleikhús Hins hússins, Grasagarðinn og í sorphirðu. Fjölbreytni í störfum er mikil hjá borginni og af nógu að taka.
Umsóknarfrestur í sumarstörf er til 3. mars næstkomandi en vakin er athygli á því að sum störf hafa lengri umsóknarfrest.