Úthlutun styrkja menningar, íþrótta- og tómstundaráðs og útnefning Listhóps Reykjavíkur 2023 fór fram í Iðnó í dag, fimmtudaginn 12. janúar. Skúli Helgason formaður ráðsins gerði grein fyrir úthlutuninni, útnefningu Listhóps Reykjavíkur 2023 og öðru framlagi borgarinnar til menningarmála.
Líkt og áður var faghópi, skipuðum fulltrúum Bandalags íslenskra listamanna og Hönnunarmiðstöðvar Íslands, falið að fara yfir styrkumsóknir og leggja til styrki til menningar og lista. Alls voru 172 umsóknir til meðferðar þar sem sótt var um tæpar 270 milljónir króna. Menningar-, íþrótta- og tómstundaráð hafði 45,4 milljónir króna til úthlutunar á sviði menningarmála árið 2023, þar af tvær milljónir til Listhóps Reykjavíkur og veitti vilyrði fyrir 66 styrkjum.
Sex nýir og endurnýjaðir samstarfssamningar
Veittir voru sex styrkir til samstarfssamninga til þriggja ára, alls 15 milljónir króna. Nýir og endurnýjaðir samstarfssamningar eru við Sequences myndlistarhátíð (3 m.kr.), LÓKAL alþjóðlega sviðlistahátíð í Reykjavík (3 m.kr.), Myrka músíkdaga (3 m.kr.), Reykjavík Ensemble (2 m.kr.), Myndhöggvarafélagið í Reykjavík ( 2 m.kr.) og Mengi (2 m.kr.). Fyrir eru sex hópar með eldri samninga í gildi en það eru Bókmenntahátíð í Reykjavík, Jazzhátíð Reykjavíkur, Stórsveit Reykjavíkur, Kammersveit Reykjavíkur, Caput-hópurinn og sýningarrýmið Harbinger.
Brú eftir framhaldsnám fyrir unga dansara
Ungmennadanshópurinn FORWARD var útnefndur Listhópur Reykjavíkur þetta árið og hlýtur tveggja milljóna króna styrk. FORWARD er hópur fyrir unga dansara, ætlaður þeim sem hafa góðan grunn í dansi, hafa lokið framhaldsbraut í listdansi og/eða hafa áhuga á að þróa sig sem danslistamenn. Danshópurinn er hugsaður sem nokkurs konar brú eftir framhaldsnám áður en ungir dansarar halda í háskólanám eða taka fyrstu skrefin út í atvinnulífið. Dansarar FORWARD fá tækniþjálfun í fjölbreyttum danstegundum og fá tækifæri til að vinna verk með atvinnudanshöfundum sem eru virkir í dansgreininni hérlendis og erlendis. Einnig fá dansararnir að kynnast ólíkum möguleikum á sviði danslistar, fræðslu um áframhaldandi nám og starfsleiðir í dansi og aðstoð við undirbúning inntökuprófa auk þess sem gestalistamenn koma í heimsókn og kynna ólíkar vinnuaðferðir. Í gegnum árin hefur FORWARD tekið þátt í fjölmörgum viðburðum og hátíðum á Íslandi sem erlendis og var hópurinn tilnefndur til Grímunnar fyrir Sprota ársins 2022. Utanumhald með FORWARD er í höndum Dansgarðsins sem hefur þróað samstarf með fjölbreyttum stofnunum og hátíðum sem flestar eru staðsettar í Reykjavík, en einnig erlendis og samræmist það vel því markmiði menningarstefnu Reykjavíkurborgar að styðja við og styrkja tengslanet borgarinnar við hið alþjóðlega listumhverfi. Listrænn stjórnandi Forward er Hrafnhildur Einarsdóttir og verkefnastjóri er Aude Busson.
UNGI sviðslistahátíð og TORG listamessa fá hæstu árlegu styrkina
Hæstu árlegu styrkina fyrir árið 2023 hlutu UNGI árleg sviðslistahátíð fyrir unga árhofendur og RVK Fringe Festival með tveggja milljóna króna styrki og TORG listamessa á vegum SÍM og Design Talks Reykjavík á vegum Hönnunarmiðstöðar með 1,5 milljóna króna styrki. Aðrir styrkir nema hæst 1,2 milljónum króna og lægst 200.000 krónum.
Hæstu framlög til menningarlífsins í borginni fyrir utan rekstur menningarstofnana hennar - Borgarbókasafns, Listasafns Reykjavíkur og Borgarsögusafns - fara til Leikfélags Reykjavíkur í Borgarleikhúsi, Sinfóníuhljómsveitar Íslands og Hörpu tónlistar- og ráðstefnuhúss. Jafnframt njóta Listahátíð í Reykjavík, Sviðslistamiðstöð í Tjarnarbíói, Bíó Paradís, Nýlistasafnið, Dansverkstæðið, Kling og Bang, Iðnó og Stockfish húsnæðis- og/eða rekstrarstyrkja frá Reykjavíkurborg.
STYRKVEITINGAR MENNINGAR-, ÍÞRÓTTA- OG TÓMSTUNDARÁÐS 2023
Samstarfssamningar til 3 ára:
3 m.kr. Sequences myndlistarhátíð
3 m.kr. Lókal alþjóðleg leiklistarhátíð í Reykjavík
3 m.kr. Myrkir músíkdagar (Tónskáldafélag Íslands)
2 m.kr. Reykjavík Ensemble (Heimsleikhúsið)
2 m.kr. Myndhöggvarafélagið í Reykjavík
2 m.kr. Mengi (Hlutmengi)
Samstarfssamningar samtals: 15 m.kr.
Listhópur Reykjavíkur 2023:
2 m.kr. Ungmennadanshópurinn Forward (Dansgarðurinn)
Styrkir til verkefna 2023:
2 m.kr. ASSITEJ á Íslandi – EGGIÐ, UNGI ´23 – ´24, Alþjóðl. sviðl.hátíð fyrir unga áhorfendur
2 m.kr. Grasrótin, félagasamtök - RVK Fringe Festival
1,5 m.kr. SÍM, samband íslenskra myndlistarmanna - Torg Listamessa 2023 í Reykjavík
1,5 m.kr. Miðstöð hönnunar og arkitektúrs ehfs - DesignTalks Reykjavik 2023
1,2 m.kr. Hringleikur - sirkuslistafélag - Rekstur Hringleiks sirkuslistafélags 2023
1 m.kr. Alþjóðleg kvikmyndahátíð Rvk ehf. - UNG RIFF
1 m.kr. Múlinn – jazzklúbbur - Tónleikaröð Jazzklúbbsins Múlans í Hörpu
1 m.kr. Heimili kvikmyndanna - Alþjóðleg barnakvikmyndahátíð 2023
1 m.kr. Mýrin, félag um barnabókmenntahátíð - Leikur úti í mýri
1 m.kr. Kammerhópurinn Nordic Affect - Starf kammerhópsins Nordic Affect
1 m.kr. LAB LOKI, félagasamtök - Marat/Sade
1 m.kr. Barnafestival - Kátt á Klambra Barnamenningarhátíð
900.000 kr. Open, félagasamtök - Open sýningarrými
900.000 kr. Fyrirbæri ehf. - Fyrirbæri: sýningar, gallerí og vinnustofur
900.000 kr. Schola Cantorum, kammerkór – Schola Cantorum
800.000 kr. Afrika-Lole áhugamannafélag – FAR Fest Afrika Reykjavík 2023
800.000 kr. Starfsendurhæfing Hafnarfjarðar - MetamorPhonics á Íslandi 2023
800.000 kr. Listvinafélagið í Reykjavík -Listvinafélagið í Reykjavík
800.000 kr. List án landamæra, listafélag. - Götustrigi Reykjavíkur
800.000 kr. Gunnsteinn Ólafsson – Sinfóníuhljómsveit unga fólksins
800.000 kr. Leikfélagið Hugleikur – Hugleikur 40 ára
800.000 kr. GRAL áhugafélag um leikslist – Sviðslistaverkið „Ég er ekki Jóhanna af Örk“
800.000 kr. Ásrún Magnúsdóttir – Litla systir
700.000 kr. Pan Thorarensen – Extreme Chill Festival 2023
700.000 kr. Ástríður Jónsdóttir – Associate Gallery
600.000 kr. Selma Reynisdóttir – Satanvatnið
600.000 kr. Pysja sf. – Samtímalist í Café Pysju (sýningardagskrá 2023)
600.000 kr. Dansverkstæðið – JÚLÍ23, vinnustofuverkefni
600.000 kr. Hildigunnar Halldórsdóttir – 15:15 tónleikasyrpan
500.000 kr. Elfa Lilja Gísladóttir – Upptakturinn 2023, tónsköpunarverðlaun barna og ungmenna
500.000 kr. Sigurður Atli Sigurðsson – Reykjavík Art Book Fair
500.000 kr. Hennar rödd – Konur af erlendum uppruna í listum
500.000 kr. Listfélagið Klúbburinn – Tóma rýmið
500.000 kr. Vinnslan listhópur – Vernd
500.000 kr. Dansfélagið Lúxus – Ó, ljúfa líf
500.000 kr. Yelena Nadjeschda Ita Arakelow – Improv for Dance Enthusiasts
500.000 kr. Orðskjálfti, félagasamtök – Ritsmiðjur Orðskjálfta
500.000 kr. Þórey Birgisdóttir – Ífegenía Íslands
500.000 kr. NAT ehf. – „Vík burt! Hið illa er enn að verki í veröldinni“
500.000 kr. Guðrún Hrund Harðardóttir – Hlustað á þögnina, hljómur árstíðanna í Elliðaárdal
500.000 kr. Töfrahurð – Muggur tónlistaræfintýrið Dimmalimm
500.000 kr. Textílfélagið – Textílhönnun í fortíð og nútíð
500.000 kr. Elísabet Birta Sveindóttir – DANSATANZA
500.000 kr. Leikhópurinn Perlan – Slysaskot í Palestínu
500.000 kr. Menningarfélagið Flanerí – Flanerí RVK
500.000 kr. Samskiptamiðstöð heyrnarlausra – Táknmálstúlkun tómstunda- og menningarviðburða
500.000 kr. Jónas Hauksson – Hellirinn Metalfest
450.000 kr. Lúðrasveitin Svanur – Svanurinn – Á hátíðarstundum
450.000 kr. Lúðraveit verkalýðsins – Lúðraveit verkalýðsins
450.000 kr. Lúðrasveit Reykjavíkur – Tónleikahald og önnur verkefni 2023
400.000 kr. Gallerí Undirgöng – Gallerí Undirgöng
400.000 kr. Raflistafélag Íslands – Raflost 2023
400.000 kr. Kristín Ómarsdóttir – Glerhúsið: vor, sumar og haust 2023
400.000 kr. Óskar Örn Arnórsson – Slökkvistöðin
400.000 kr. Stefan sand Groves – Look at the Music!
400.000 kr. Magnús Thorlacius – Lónið
400.000 kr. Elizabeth Rachel Nienhuis – Snákur‘s Sleepover
300.000 kr. Töframáttur tónlistar sf. – Töframáttur tónlistar
300.000 kr. Björk Níelsdóttir – Fjárlögin í fínum fötum
300.000 kr. Bjarni Snæbjörnsson – Gúbbífiskur, leikverk
300.000 kr. Laufey Sigurðardóttir – Mozart tónleikar á fæðingardegi tónskáldsins
300.000 kr. Anna Kolfinna Kuran – Dætur: tíu ára afmælissýning
250.000 kr. Q – félag hinsegin stúdenta – Listamarkaður Q-félagsins
200.000 kr. Þórdís Gerður Jónsdóttir – Tónleikar á hjúkrunarheimilum í Reykjavík
200.000 kr. Alltaf nóg slf. – Sjö ljóð úr óskrifaðri ljóðabók
Styrkir til verkefna samtals: 43,4 m.kr.