Sýningin HVAÐ SVO? opnar í dag, 15. mars, í Tjarnarsal Ráðhúss Reykjavíkur kl. 19. Allir velkomnir.
Hvað hefur gerst og hvað er í vændum í miðborginni? Sýningin HVAÐ SVO? tekur nú við af forvera sínum Hvað er í gangi? Sýningin felst í módelum þar sem uppbyggingareitir í miðborginni eru settir í heildrænt samhengi. Þá er saga og þróun miðborgarinnar sögð í myndum, textum og viðtölum.
Markmiðið með sýningunni er að veita borgarbúum og öðrum áhugasömum innsýn í þá miklu umbreytingar sem eiga sér nú stað í miðborginni. Margt hefur risið á liðnu ári og nokkrir uppbyggingarreitir eru nú fullkláraðir en annars staðar er verið að taka nýja grunna.
Sýningin HVAÐ SVO? opnar í dag kl. 19 í Tjarnarsal ráðhússins og eru allir velkomnir.
Leiðsögn um sýninguna
Í tilefni HönnunarMars og opnun sýningarinnar HVAÐ SVO? efnir Reykjavíkurborg til samtals milli borgar og hönnuða sunnudaginn 18 mars kl 13. Á viðburðinum munu þau Hjálmar Sveinsson og Sigurborg Ósk Haraldsdóttir, fulltrúar í umhverfis- og skipulagsráði Reykjavíkurborgar, leiða gesti í gegnum þá uppbyggingu sem er í gangi í miðborginni og hvað í vændum er.
Hönnuðir og reita, bygginga eða staða halda þá örerindi út frá eigin sannfæringu og upplifun á verkefnum sem hafa áhrif á borgarumhverfið. Meðal þeirra hönnuða sem fram koma eru: Páll Gunnlaugsson, ASK arkitektum, Hildigunnur Haraldsdóttir, Hús og skipulag, Páll Hjaltason, +ARKITEKTAR, Sigríður Sigþórsdóttir og Ólafur Hersisson, Corpus, Aðalheiður Atladóttir og Falk Krüger, A2F
Tenglar