Tilraunaverkefnið Sveigjanleiki í þjónustu: „Frá barni til fullorðins“, er nýtt verkefni hjá velferðarsviði um þjónustu við fötluð ungmenni á aldrinum 17-22ja ára.
Verkefnið á að létta álagi af fjölskyldum fatlaðra ungmenna sem þurfa mikla þjónustu án þess að þau þurfi að flytjast af heimili sínu á meðan verkefnið stendur yfir.
Auglýst verður eftir þátttakendum 1. mars næstkomandi og stendur verkefnið yfir í þrjú ár. Tilgangur þess er að auðvelda ungmennum að flytja að heiman og búa fjarri foreldrum.
Velferðarsvið hvetur fötluð ungmenni sem hafa áhuga á þátttöku og uppfylla þau skilyrði sem koma fram í reglum með tilraunarverkefninu að sækja um þátttöku frá og með 1. mars næstkomandi.