No translated content text
![""](/sites/default/files/styles/landscape_small/public/myndir_frettir/frettamyndir_2014_febjuli/12239637_10153430401739737_2665873851792566719_n.jpg?h=b3660f0d&itok=lD9ZSpZv)
Skrekkur, hæfileikakeppni grunnskólanemenda í Reykjavík, hefst í kvöld í Borgarleikhúsinu.
24 grunnskólar keppa að þessu sinni í Skrekki en keppt er í undanúrslitum þrjú kvöld; 7. 8. og 9. nóvember. Þar munu unglingar í 8. 9. og 10. bekk sýna sköpunarmátt sinn og hæfileika í 7 mínútna löngum atriðum, þar sem er sungið, dansað og leikið af hjartans list. Tvö lið eru valin á hverju undankvöldi til að komast áfram í úrslit, en dómnefnd velur að auki tvö lið í úrslitakeppnina.
Úrslitakvöldinu verður sjónvarpað beint á RÚV - sjónvarpi allra landsmanna - þann 14. nóvember.
Skrekkur er mikil lífsreynsla fyrir margan unglinginn í uppfærslu á sviðsverki og þar hafa margir stigið sín fyrstu spor á listabrautinni. Í fyrra sigraði Hagaskóli Skrekk með atriði sínu Elsku stelpur.