Romaine salat frá Bandaríkjunum mögulega mengað af shiga toxín myndandi E. coli bakteríu
![""](/sites/default/files/styles/landscape_small/public/myndir_frettir/frettamyndir_2014_febjuli/screen_shot_2018-11-23_at_12.28.43.png?h=5262e154&itok=vouKPTbD)
Romaine salat frá Bandaríkjunum getur verið mengað af shiga toxín myndandi E. coli bakteríu.
Með hliðsjón af neytendavernd vilja Heilbrigðiseftirlit Reykjavíkur og Krónan ehf. vekja athygli neytenda á að romaine salat frá Bandaríkjunum getur verið mengað af svokallaðri shiga toxín myndandi E. coli bakteríu (STEC). Krónan ehf. hefur flutt inn romaine salat frá Bandaríkjunum og dreift í verslunum Krónunnar en einnig hefur romaine salat frá Bandaríkjunum verið notað í Cesarsalat með kjúklingi, vörumerki Eldhúsið, sem framleitt er af Hollt og gott fyrir Krónuna. Krónan ehf. hefur tekið romaine salat sem flutt var inn frá Bandaríkjunum úr sölu í verslunum fyrirtækisins. Romaine salat frá Ítalíu er notað í nýja framleiðslu af Cesarsalati með kjúklingi.
Krónan bendir viðskiptavinum sem keypt hafa romaine salat frá Bandaríkjunum í verslunum Krónunnar eða Cesarsalat með kjúklingi, vörumerki Eldhúsið, framleitt 20. nóvember eða fyrr, að neyta matvælanna ekki og farga þeim eða skila í verslun Krónunnar og fá endurgreitt.
Vakin er athygli á að um varúðarráðstöfun er að ræða en shiga toxín myndandi E. coli hefur ekki greinst í romaine salati sem flutt hefur verið inn til Íslands. Jafnframt er vakin athygli á að umrædd varúðarráðstöfun á einungis við romaine salat sem flutt hefur verið inn frá Bandaríkjunum.
Krónan og Heilbrigðiseftirlit Reykjavíkur hvetja almenning til að skola grænmeti vel fyrir notkun. Á vefsíðu Matvælastofnunar eru heilræði um meðferð grænmetis sem nota á í ferskt salat: http://www.mast.is/matvaeli/medhondlun-hreinlaeti/graenmeti/.
Á vefsíðu Matvælastofnunar eru nánari upplýsingar um E. coli: http://www.mast.is/matvaeli/matarsykingar/escherichiacoli/.
Nánari upplýsingar veitir: Ólafur Júlíusson hjá Krónunni ehf., olijul@kronan.is