Reykvíkingar færa Þórshafnarbúum jólatré
Kveikt var á ljósunum á jólatrénu, sem er gjöf frá Reykvíkingum til Þórshafnarbúa, á Tinghúsvellinum í Færeyjum á laugardaginn 25. nóvember.
Þetta er í ellefta sinn sem Reykvíkingar gefa Færeyingum tré að gjöf, en tréð var fellt í Heiðmörk á svæði Skógræktarfélags Reykjavíkur fyrr í þessum mánuði. Um er að ræða sitkagrenitré og sá Eimskip um flutning trésins til Þórshafnar.
Dagur B. Eggertsson, borgarstjóri og eiginkona hans Arna Dögg Einarsdóttir voru í Þórshöfn og afhenti Dagur Þórshafnarbúum formlega tréð við hátíðlega athöfn á Tinghúsvöllinum á laugardaginn. Heðin Mortensen, borgarstjóri, þakkaði Reykvíkingum fyrir tréð og sagði að síðustu vikur hafi hugur landsmanna verið hjá Grindvíkingum
Jólasveinninn eða jólamaðurinn, eins og Færeyingar segja, var í körfubíl og sveif yfir trénu þegar hann kveikti á ljósunum. Fjöldi fólks var samankominn til að taka þátt í hátíðahöldunum og var veður með ágætum í Þórshöfn á laugardaginn og jólatréð er fallega skreytt. Gestum og gangandi var boðið upp á konfekt og flutt voru jólalög.
Jólatré frá Reykvíkingum í Þórshöfn
