![""](/sites/default/files/styles/landscape_small/public/myndir_frettir/frettamyndir_2014_febjuli/img_0021_0.jpg?h=5b3e49bd&itok=EeWSfV3G)
Dagur B. Eggertsson, borgarstjóri og Gunnar Björnsson, forseti Skáksambands Íslands skrifuðu í dag undir samstarfssamning. Reykjavíkurborg styður Reykjavíkurskákmót næstu ára og leggur einnig til húsnæði fyrir Evrópumót skáklandsliða sem haldið verður í Reykjavík 2015.
Reykjavíkurborg mun styrkja EM 2015 með endurgjaldslausum afnotum af húsnæði Íþrótta- og sýningarhallarinnar í Laugardal. Mótið hérlendis verður kynning fyrir Reykjavík og mun Skáksamband Íslands kynna borgina sem best í aðdraganda mótsins. Sérstök samstarfsnefnd verður komið á laggirnar vegna þessa viðburðar.
Þá styrkir Reykjavíkurborg árleg Reykjavíkurskákmót til ársins 2017 og nemur heildarfjárhæð stuðningsins tæplega 11,5 milljónum króna.