Pönkuð kvöldganga | Reykjavíkurborg

Pönkuð kvöldganga

mánudagur, 30. júlí 2018

Íslenskt pönk er umfjöllunarefni kvöldgöngu sem Unnur María Bergsveinsdóttir sagnfræðingur mun leiða um miðborgina fimmtudagskvöldið 2. ágúst. Lagt verður af stað úr Grófinni milli Tryggvagötu 15 og 17 klukkan átta að kvöldi.

  • Tveir pönkarar í Bankastræti.
    Pönkarara settu svip sinn á bæinn en þessir stilla sér upp við Bankastræti núll en hinum megin götunnar er einmitt Pönksafnið í dag.
  • Pönkarar sitja saman og horfa á viðburð, mögulega Melarokk.
    Kannski eru þessir pönkarar á Melarokki en það voru pönk- og rokktónleikar sem haldnir vor á Melavellinum í Vesturbæ Reykjavíkur laugardaginn 28. ágúst 1982.

Það tók pönkið tíma að ná að festa rætur á Íslandi en þegar það loks gerðist fór allt af stað! Pönkið hafði varanleg áhrif á bæði íslenska tónlist og íslenskt samfélag.

Rölt verður um miðborgina annan ágúst nk., fornar pönkslóðir heimsóttar og sagan rakin af því hvernig pönkið barst til Íslands, hverskonar Reykjavík það skaut rótum í og hver áhrif þess voru.

Gangan tekur um það bil eina og hálfa klukkustund og hentar öllum. Leiðsögnin fer fram á íslensku.

Þátttaka er ókeypis og öll velkomin.

Viðburðurinn á Facebook