Árni Jónsson hefur verið ráðinn framkvæmdastjóri frístundamiðstöðvarinnar Ársels.
Árni hefur lokið MBA gráðu í viðskiptafræði frá Háskóla Íslands og er félags- og uppeldisfræðingur frá Köbenhavns pædagogseminarium.
Hann hefur starfað m.a. sem deildarstjóri unglingastarfs Tónabæjar, forstöðumaður frístundamiðstöðvanna Tónabæjar og Kamps, íþrótta- og æskulýðsfulltrúi Dalvíkurbyggðar, framkvæmdastjóri íþróttafélagsins Fylkis og nú síðast sem forstöðumaður Árbæjar- og Grafarvogslaugar.
Átta umsækjendur voru um stöðu framkvæmdastjóra frístundamiðstöðvarinnar Ársels en einn dró umsókn sína tilbaka. Umsóknarfrestur rann út 29. apríl sl.