Mælingar við Nauthólsvík sýna verulega lækkun saurkólígerlamengunar og eru gildi nú undir viðmiðunarmörkum. Mælingar í lóni við Ylströndina eru lág og vel innan marka sem sett eru um baðstaði í náttúrunni.
Gildi halda áfram að lækka í Nauthólsvík og mældust í gær 15. júlí 79/100 í stað 99/100 deginum áður. Heilbrigðiseftirlitið tekur sýni aftur i dag, sunnudag 16. júlí, og niðurstöður liggja fyrir á morgun.
Mælingar í Nauthólsvík fóru úr 1100/100 13. júlí í 99/100 saurkólígerla í sýni 14. júlí. Gildi eru þó hærri en venjulegt er í Nauthólsvík. Í kjölfar niðurstaðna þótti ástæða til að taka sýni í lóni Ylstrandarinnar. Sýni í miðju lóninu sýndu 2 /100 saurkólígerla í 100 ml. og er það vel undir mörkum gilda sem sett eru um baðstaði í náttúrunni.
Verið er að kanna uppsprettu mengunar í Nauthólsvík. Heilbrigðiseftirlit Reykjavíkur mun vakta Nauthólsvíkina daglega auk þess að fylgjast með strandlengjunni við Faxaskjól, Ægissíðu og Skeljanes.
Mæling 16. júlí sýni 90/100 saukóligerla í Nauthólsvík og aftur verða tekin sýni mánudaginn 17. júlí.
Mælingar 14. júlí í Nauthólsvík