Ný brunavarnaáætlun og nýjar slökkvibifreiðar | Reykjavíkurborg

Ný brunavarnaáætlun og nýjar slökkvibifreiðar

föstudagur, 4. maí 2018

Stjórn Slökkviliðs höfuðborgarsvæðisins undirritaði í dag, 4. maí, nýja brunavarnaáætlun og samning um kaup á fjórum nýjum slökkvibifreiðum. 

  • Bæjarstjórar á höfuðborgarsvæðinu, borgarstjóri, slökkvistjóri og framkvæmdastjóri Ólafs Gíslasonar og Co. hf. skrifa undir.
    Á myndinni eru frá vinstri; Guðný Ívarsdóttir sveitastjóri Kjósahrepps, Ármann Kr. Halldórsson bæjarstjóri Kópavogs, Haraldur Sverrisson bæjarstjóri Mosfellsbæjar, Jón Viðar Matthíasson slökkviliðsstjóri, Dagur B. Eggertsson, borgarstjóri, Björn Karlsson forstjóri Mannvirkjastofnunar, Gunnar Einarsson bæjarstjóri Garðabæjar, Haraldur L. Haraldsson, bæjarstjóri Hafnarfjarðar og Ásgerður Halldórsdóttir, bæjarstjóri Seltjarnarnesbæjar.
  • Dagur B. Eggertsson, Jón Viðar Matthíasson og Björn Karlsson.
    Dagur B. Eggertsson, borgarstjóri og formaður stjórnar slökkviliðsins, Jón Viðar Matthíasson, slökkviliðsstjóri, og Björn Karlsson, forstjóri Mannvirkjastofnun.
  • Hópur gesta fylgdist með undirritun.
    Hópur gesta fylgdist með undirritun.
  • Jón Viðar Matthíasson, Dagur B. Eggertsson og Benedikt Einar Gunnarsson.
    Jón Viðar Matthíasson, slökkvistjóri, Dagur B. Eggertsson, borgarstjóri og formaður stjórnar slökkviliðsins og Benedikt Einar Gunnarsson, framkvæmdastjóri Ólafs Gíslasonar og Co. hf. undirrita samning um kaup á slökkvibílunum.

það var formaður stjórnar slökkviliðsins, Dagur B. Eggertsson, borgarstjóri, ásamt Birni Karlssyni, forstjóra Mannvirkjastofnunar, og Jóni Viðari Matthíassyni, slökkviliðsstjóra, sem undirrituðu nýja brunavarnaáætlun ásamt bæjarstjórum í sveitarfélögum á höfuðborgarsvæðinu. Áætlunin er stefnumótandi til næstu ára varðandi þá þjónustu sem slökkviliðið veitir höfuðborgarbúum.

Í beinu framhaldi skrifuðu borgarstjóri og Benedikt Einar Gunnarsson, framkvæmdastjóri hjá Ólafi Gíslasyni & Co. hf. undir samning um kaup á fjórum nýjum slökkvibifreiðum sem áætlað er að komi til landsins á næsta ári. Þetta er í fyrsta sinn sem slökkviliðið fær fjórar nýjar bifreiðar í einu og verður það mikil lyftistöng fyrir starfsemina því  veruleg þörf er orðin fyrir endurnýjun.