Nemendur Rimaskóla sigruðu á frjálsíþróttamóti grunnskóla 3. árið í röð | Reykjavíkurborg

Nemendur Rimaskóla sigruðu á frjálsíþróttamóti grunnskóla 3. árið í röð

miðvikudagur, 3. október 2018

Nmendur Rimaskóla unnu Frjálsíþróttamót grunnskóla í öllum árgöngum keppninnar, 6. – 9. bekk. Af því tilefni var efnt til mikillar verðlaunahátíðar í sal skólans.

 

 

  • Verðlaunahátíð í Rimaskóla
    Sigurvegarar á Frjálsíþróttamóti grunnskóla 2018, nemendur 6. – 9. bekkjar Rimaskóla ásamt afreksfólkinu Anítu Hinriksdóttur og Guðna Val Guðnasyni, Helga Árnasyni skólastjóra og Jónínu Ómarsdóttur, en þau tvö síðastnefndu voru liðstjórar skólaliðsins. Ljósmynd Baldvin Örn Berndsen
  • Verðlaunaafhending í Rimaskóla
    Frjálsíþróttastjarnan Aníta Hinriksdóttir afhendir Snædísi Eir Ingólfsdóttur 7-HS viðurkenningu fyrir sigur í 60 m hlaupi. Ljósmynd Baldvin Örn Berndsen
  • Verðlaunahátíð í Rimaskóla
    Aníta og Guðni Valur ásamt fulltrúum 7. bekkjar sem tóku við farandbikar til varðveislu 3. árið í röð. Ljósmynd: Baldvin Örn Berndsen
  • Verðlaunahátíð í Rimaskóla
    Aníta Hinriksdóttir afhendir fulltrúum 6. bekkjar Rimaskóla verðlaunagripinn. Ljósm. Baldvin Örn Berndsen

Frjálsíþróttahetjurnar kunnu þau  Aníta Hinriksdóttir og Guðni Valur Guðnason voru viðstödd verðlaunahátíðina í skólanum og afhentu nemendum verðlaunin.

Frjálsíþróttamótið fór fram í Laugardalshöll fyrstu daga septembermánaðar með þátttöku 20 skóla. Rimaskóli fékk áfram til varðveislu fjóra glæsilega farandbikara. Skólinn veitti auk þess nemendum vegleg peningaverðlaun fyrir árangurinn sem þeir eiga að nýta til uppbyggilegra verkefna. Sigurinn vannst á góðri þátttöku því stór meirihluti krakkanna í 6. – 9. bekk Rimaskóla mættu í Laugardalshöllina til að vinna stig fyrir skólann. Keppt var í 60 og 600 m hlaupum, langstökki og kúluvarpi í drengja-og stúlknaflokki. Nemendur Rimaskóla unnu sigur í fjórum greinum, urðu 15 sinnum í 2. sæti og 21. sinni í bronssæti. Skólinn hlaut alls 3140 stig en næsti skóli í röðinni var með 495 stig. Rimaskóli er heilsueflandi grunnskóli og þátttakan í Frjálsíþróttamóti grunnskóla liður í þeirri vinnu.