Jólaljósin tendruð á Óslóartrénu á Austurvelli
Jólaljósin á Oslóartrénu verða tendruð við hátíðlega athöfn á Austurvelli á fyrsta sunnudegi í aðventu þann 3. desember klukkan 16.00.
Tendrun jólaljósanna á Oslóartrénu markar upphaf jólahátíðarinnar í hugum og hjörtum borgarbúa. Jólatréð er gjöf frá íbúum Oslóar og var fellt í Heiðmörk fyrr í vikunni. Tréð er er skreytt með 6800 ljósum, 120 gylltum jólakúlum og á toppnum er fallega jólastjarnan.
Dagskrá:
Tufti og tröllabörnin mæta á Austurvöll til að gleðja gesti og gangandi.
Lúðrasveit Reykjavíkur leikur aðventu- og jólalög frá kl 15:30.
Salka Sól og Snorri Helgason ásamt hljómsveit munu flytja falleg jólalög.
Abdullah Alsabeehg borgarfulltrúi Oslóarborgar flytur kveðju frá Oslóarborg og afhendir Reykvíkingum þýddar bækur að gjöf og fá öll skólabókasöfn í Reykjavík einnig bækur að gjöf.
Þórdís Lóa Þórhallsdóttir forseti borgarstjórnar flytur þakkarræðu og norsk-íslenski drengurinn Kristþór Viljar Dansson, 4 ára, mun aðstoða við að tendra ljósin á trénu.
Jólasveinarnir Bjúgnakrækir og Askasleikir stelast í bæinn til að syngja og skemmta kátum krökkum.
Kynnir er Katla Margrét Þorgeirsdóttir og verður dagskráin túlkuð á táknmáli.
Öll velkomin!