![""](/sites/default/files/styles/landscape_small/public/myndir_frettir/frettamyndir_2014_febjuli/collage-1006x670_2.jpg?h=c9f93661&itok=5AeMtzoR)
Þátttaka í kosningum íbúalýðræðisverkefnisins Hverfið mitt hefur aldrei verið betri, en kosningaþátttaka var 10,9%. Kosningaþátttaka árið 2016 var 9,4% og þar áður 7,3%.
Atkvæðisrétt höfðu allir íbúar í Reykjavík 16 ára og eldri og voru nærri 102 þús íbúar á kjörskrá. Af þeim nýttu sér 11.113 rétt sinn til að kjósa. Kosningar stóðu yfir á vefnum Hverfið mitt 3. – 19. nóvember.
Kosið var um framkvæmdir í hverfum borgarinnar og eru 450 milljónir til ráðstöfunar. Íbúar kusu í ár 76 verkefni til framkvæmda á næsta ári. Í fyrra var sama upphæð var til ráðstöfunar en þá voru 112 verkefni kosin og skýrist munurinn á því að nú urðu stærri verkefni fyrir valinu.
Dæmi um veglegustu verkefnin í ár eru vaðlaug við Grafarvogslaug; göngustígur við Rauðavatn; leiktæki og tartan í Breiðholtslaug; endurbætur á leikvelli í Laugardalnum og tenging Hagatorgs við nærumhverfið. Í Grafarvogi fer framkvæmdaféð í þrjú verkefni en í Árbæ og Laugardal fara 12 verkefni á verkefnalista í hvoru hverfi.
Á listanum hér fyrir neðan má sjá valin verkefni. Hér má sjá nánar um fjölda atkvæða að baki hverju verkefni og áætlaða upphæð framkvæmdar.
Árbær – valin verkefni:
- Leiktæki á lóð Selásskóla
- Kaldur pottur í Árbæjarlaug
- Göngustígur við Rauðavatn
- Ruslatunnur við göngustíga í Norðlingaholti
- Bæta lýsingu við göngubrú yfir Breiðholtsbraut
- Göngustígur á horni Rofabæjar og Fylkisvegar
- Drykkjarfontur í Elliðaárdalinn
- Ungbarnarólur á leikvelli í Bæjarhverfi
- Þrektæki við Rauðavatn
- Fuglaskilti við stíflubrú
- Göngustígur milli Sel- og Árvaðs
- Merkja bílastæði við Sandavað
Breiðholt – valin verkefni:
- Lýsing á göngustígum í Seljahverfi
- Kaldur pottur í Breiðholtslaug
- Lýsing í Elliðaárdal
- Leiktæki og tartan í Breiðholtslaug
- Lýsing og borðbekkir við skíðabrekku
- Lagfæra svæðið við færanlegar kennslustofur við Seljaskóla
- Fjölga bekkjum í Seljahverfinu
- Lagfæring á aðkomu Breiðholtsskóla
- Grindverk við körfuboltaspjald á lóð Hraunheima
Grafarholt og Úlfarsárdalur – valin verkefni:
- Lýsing við sleðabrekku fyrir neðan Reynisvatnsháls
- Ruslastampar í Grafarholti
- Áningastaður á milli Hádegismóa og Grafarholts
- Líkamsræktartæki við Reynisvatn
- Gróðursetning í Úlfarsárdal
- Heilsustígur í Úlfarsárdal
- Upplýsingaskilti um vegalengdir
Grafarvogur – valin verkefni:
- Frágangur við grenndargáma við Spöngina
- Vaðlaug við Grafarvogslaug
- Lýsing á göngustíg meðfram Strandvegi
Háaleiti - Bústaðir – valin verkefni:
- Ávaxtatré á opnum svæðum
- Grenndargámar við Sogaveg.
- Fegra borgarland við Háleitisbraut
- Ný girðing við Bústaðaveg.
- Líkamsræktartæki á opið svæði vestan Miðbæ
- Endurnýjun á göngustíg milli H- og K-landa.
- Bæta leikvöllinn við Rauðagerði
Hlíðar – valin verkefni:
- Bætt lýsing við gönguljós við Hlíðarskóla
- Ungbarnarólur á leikvelli
- Göngustígur frá Stigahlíð
- Lýsing við körfuboltavöll á Klambratúni
- Hjólaviðgerðarstandur í Hlíðunum
- Klifurgrind á Klambratún
- Bekkir á Klambratún
- Vatnsfontur á Klambratúni
- Bekkir í Hlíðunum
- Upplýsingaskilti um fiskþurrkunarreit og sögulegar minjar
- Endurbætur við gatnamót Brautarholts og Stórholts
Kjalarnes – valin verkefni:
- Viðhald á opnum svæðum
- Gler í girðingu við sundlaugina
- Gróður í mön við Jörfagrund og á leiksvæði
Laugardalur – valin verkefni:
- Endurbætur á lýsingu í Laugardal
- Framhlið Laugardalslaugarinnar
- Bæta aðgengi að fjöru á Laugarnestanga
- Endurbætur á leikvelli í Laugardal
- Merking stíga í Laugardalnum
- Bæta lýsingu við gatnamót Holta- og Langholtsvegar
- Snyrta umhverfis vatnsbrunna í Laugardalnum
- Hreinsun fjörunnar við Háubakka í Elliðaárvogi
- Ruslatunnur í Vogahverfi
- Stærri klukkur í Laugardalslaug
- Gönguleið yfir Suðurlandsbraut við Mörkina
- Ungbarnaróla á leikvöllinn við Sæviðarsund
Miðborg – valin verkefni:
- Gróður og bekkir í Hljómskálagarðinn
- Fjölga leiktækjum í Hljómskálagarðinum
- Almenningsgarður við Þingholtsstræti 25
- Ný gangstétt við Barónsstíg
- Ungbarnaróla á Skógarróló í Skerjafirði
Vesturbær – valin verkefni:
- Gönguleið yfir Hofsvallagötu
- Fjölga ruslatunnum í Vesturbænum
- Lýsing við göngustíg á Ægissíðu
- Sjónauki við Eiðisgranda
- Endurbætur á leikvelli við Tómasarhaga
- Hagatorg tengt við nærumhverfi
- Endurbætur á körfuboltavelli milli Faxaskjóls og Sörlaskjóls