No translated content text
Haraldur opnar Hafnarhaus, hús skapandi greina
Haraldur Þorleifsson, athafnamaður og hópurinn sem stendur að rekstri nýrrar aðstöðu fyrir listafólk í Hafnarhúsinu bauð í opið hús og tilkynnti formlega að þar væri nú hægt að sækja um aðstöðu til listsköpunar. Rýmið hefur fengið heitið Hafnarhaus.
Hópurinn sem er með Haraldi að stofnun Hafnarhaus eru; Davíð Helgason, Elísabet Ronaldsdóttir Magnea Einarsdóttir, Melanie Ubaldo, Nanna Bryndís Hilmarsdóttir, Ólafur Arnalds, Paul Bennett, Ragnar Kjartansson og René Boonekamp en öll hafa þau náð árangri á sínu sviði skapandi greina.
Reykjavíkurborg, sem á húsið, stofnaði um það sjálfseignarfélag um útleigu á hluta hússins sem leigurýmis fyrir vinnu- og lærdómsaðstöðu skapandi greina í miðborg Reykjavíkur og var samið við Harald Inga Þorleifsson um rekstur aðstöðunnar.
Hafnarhaus er staðsett á tveimur efstu hæðum hússins og er yfir 3000 fermetra. Þar er einstakt útsýni og fullkomin staður til sækja í innblástur að skapandi verkum.
Haraldur Ingi opnaði í dag heimasíðuna, https://hafnar.haus/ en þar geta þeir sem hafa áhuga á rými fyrir skapandi greinar sótt um aðstöðu. Það kostar 5000 krónur á mánuði að vera hluti að samfélagi Hafnarhaus og síðan kostar hver leigður fermetri 2500 krónur á mánuði. Innifalið í aðildinni er sólarhringsaðgangur að rýminu, nettenging og kaffi.
Reykjavíkurborg stefnir að því að endurbyggja og innrétta húsið á næstu árum þar sem gert er ráð fyrir listasafni Nínu Tryggvadóttir ásamt aðstöðu fyrir aðrar listgreinar. Þar til að því kemur á að nýta húsnæðið til bráðabirgða fyrir vinnu- og lærdómsaðstaða þar sem mismunandi skapandi greinar svo sem listgreinar, hönnun, forritun og önnur nýsköpun komi saman.