Reykjavik
Fyrirframgreidd kort Bílastæðasjóðs verða ekki lengur í boði en í staðinn verður vísað á aðrar rafrænar greiðslulausnir.
Svokölluð P-kort hafa verið nýtt af litlum hluta viðskiptavina Bílastæðasjóðs en þau hafa ekki fylgt rafrænni þróun og nýtast til að mynda ekki í bílastæðahúsum. Ekki er lengur hægt að fylla á þessi kort.
Hvað er best að nota í staðinn?
- Hægt er að borga með greiðsluforritum í síma eins og Parka, EasyPark eða SíminnPay. Í einhverjum tilvikum er boðið upp á fyrirtækjalausnir en best er að hafa samband við viðkomandi þjónustufyrirtæki til að athuga hvað hentar þér.
- Hægt er að kaupa fyrirframgreidd kort frá bönkum sem virka eins og gömlu P-kortin.
Í boði er að klára þá inneign sem fyrir er á P-kortum sem eru í umferð eða fá hana endurgreidda með því að hafa samband á bilastaedasjodur@reykjavik.is.
