Vinnan við að breyta heildaryfirbragði Norðurstígs hefur gengið vel.
Eins og oft er þegar framkvæmt er í eldri hverfum kemur ýmislegt í ljós þegar farið er að grafa undir yfirborð.
Forleifafræðingar voru kallaðir til í upphafi til að kanna mannvistarleifar. Við uppgröftinn fundust fornleifar; gamall beituskúr, undirstöður undir Hlíðarhús og aðrar mannvistarleifar, líklega um 200 ára gamlar. Búið er að teikna þær upp og merkja og fornleifafræðingar hafa nú lokið störfum.
Ennfremur kom í ljós að fráveitulagnir reyndust liggja öðruvísi en teikningar gáfu til kynna og því þurfti að endurhanna fráveituhluta framkvæmdarinnar. Einnig kom í ljós að lagnir fyrir heitt og kalt vatn og rafmagn myndu þarfnast endurnýjunar á næstu árum. Var því ákveðið að gera það nú til að ekki þyrfti að grafa aftur á svæðinu í bráð.
Ofantalin atriði hafa ekki áhrif á áætlaðan heildarframkvæmdatíma verksins.
Sjá nánar um verkefnið Norðurstígur og Nýlendugata