![græn skref 100og1](/sites/default/files/styles/landscape_small/public/2023-05/Vi%C3%B0urkenning_skref1_26.4.2023.jpg?h=4f173b72&itok=ZQgT1FVF)
Nýlega hafa 556 umhverfisvænar aðgerðir verið tekna hjá starfsstöðum skóla- og frístundasviðs Reykjavíkurborgar í 20 grænum skrefum.
Fara með afganga í frískáp
Frístundaheimilið Skýjaborgir tók nýverið annað skrefið og leikskólinn Stakkaborg tók fyrsta skrefið en þar hefur matráðurinn meðal annars farið með afgangsmat í frískáp. Þannig geta aðrir notið matarins í stað þess að honum sé hent og því er unnið gegn matarsóun.
Þá hafa félagsmiðstöðin 100og1 og Rimaskóli nýverið fengið viðurkenningu fyrir sín fyrstu grænu skref og allar starfseiningarnar á Kjalarnesi tóku eiginlega stökk því þær tóku öll fjögur skrefin í einu, það er Klébergsskóli, Leikskólinn Berg, Frístundaheimilið Kátakot og Félagsmiðstöðin Flógyn.
Umhverfisvænu aðgerðirnar eru af ýmsum toga, í þeim felast til dæmis rétt flokkun, að kaupa umhverfisvottaðar hreinlætis- og ræstivörur, umhverfisvænar samgöngur, minni sóun, betri orkunotkun og margt annað.