Fyrsta undanúrslitakvöld Skrekks 2024 fór fram í Borgarleikhúsinu í gærkvöldi, þann 4. nóvember. 238 ungmenni í Reykjavík tóku þátt í uppfærslu á frumsömdum sviðsverkum og sýndu margvíslega hæfileika á sviðinu.
Í úrslit komust Breiðholtsskóli með atriðið Hraða lífsins og Hagaskóli með atriðið Stingum af.
Alls tóku átta grunnskólar þátt en það voru Austurbæjarskóli, Breiðholtsskóli, Dalskóli, Fellaskóli, Hagaskóli, Landakotsskóli, Norðlingaskóli og Víkurskóli.
Í heildina er 721 þátttakandi í Skrekk í ár. Öll atriðin má sjá á vef UngRUV.is.
Atriði Breiðholtsskóla - Hraði lífsins.
Atriði Hagaskóla - Stingum af.