Betri loftgæði með rykbindingu | Reykjavíkurborg

Betri loftgæði með rykbindingu

mánudagur, 5. mars 2018

Í nótt voru fjölfarnar götur rykbundnar til að bæta loftgæði í borginni. Magnesíum klóríði sem reynst hefur vel til rykbindingar var úðað á stofnbrautir í Reykjavík og fleiri fjölfarnar götur eins og Bústaðaveg, Suðurlandsbraut og Grensásveg.

  • Ryk bundið á umferðarþungum vegum
    Ryk bundið á umferðarþungum vegum

Vinna við rykbindinguna hófst um miðnætti og var lokið áður en morgunumferðin hófst.

Farið er í þessar aðgerðir að ráðum viðbragðsteymis um loftgæði en það er samstarfsvettvangur Reykjavíkurborgar og Vegagerðarinnar. Veðurhorfur næstu daga auka líkur á svifryki einkum þar sem umferðarhraði er mikill.

Í liðinni viku voru stórir vélsópar sendir á stofnbrautirnar og tókst að sópa kanta á Suðurlandsbraut, Bústaðavegi, Grensásvegi, Skeiðavogi, Snorrabraut og Háaleitisbraut.