Sextán teymi sendu inn áhugayfirlýsingu í samkepninni Re-inventing Cities um grænar þróunarlóðir. Samkeppnin snýst um að þróa þrjú svæði í Reykjavík en þau eru í Lágmúla, Ártúnshöfða og á Frakkastíg. Nú hafa átta teymi verið valin til að taka þátt í seinni hluta samkeppninnar. Alls hafa tólf borgir lagt fram 31 lóð í samkeppninni.
Átta teymi hafa verið valin í seinni hluta samkeppninnar Re-inventing cities en Reykjavíkurborg býður fram þrjár grænar þróunarlóðir í samkeppninni. Keppnin er haldin á vegum samtakanna C40 en í þeim eru borgir sem sækja fram í baráttunni gegn loftslagsbreytingum.Keppnin snýst um að þverfagleg teymi móti framtíðarsýn fyrir lóðirnar með það að meginmarkmiði að þar rísi fyrirmyndarbygging í sjálfbærni. Reykjavíkurborg er þátttakandi í samstarfi yfir 96 stórborga gegn loftslagsbreytingum og er samkeppnin liður í baráttunni gegn þeim. Lóðirnar sem um ræðir eru í Lágmúla, Ártúnshöfða og á Frakkastíg.
Alls hafa tólf borgir víðs vegar um heim boðið fram 31 lóð til þróunar í samkeppninni en yfir 230 áhugayfirlýsingar bárust í keppnina frá 1.200 fyrirtækjum og samtökum. Lokaúrslit í samkeppninni verða væntanlega í maí 2019. Eitt teymi verður að lokum sigurvegari á hverju svæði. Teymin öðlast þá rétt til að gera samning um uppbyggingu á lóðinni.
Bestu lausnir á sviði sjálfbærni
Markmiðið með samkeppninni er að kalla fram lausnir til uppbyggingar á umhverfisvænum byggingum/verkefnum og sýna bestu lausnir á sviði sjálfbærni, umhverfisgæða og minna kolefnisfótspors, ásamt því að styðja við góða borgarþróun. Fyrirmyndin er vel heppnað verkefni Reinventing Paris sem komið var á fót árið 2015.
Þverfaglegt teymi C40 aðstoðar borgirnar við að velja besta verkefnið fyrir hverja lóð m.t.t. bestu lausna í umhverfismálum m.a. orkunýtingu, aðlögunarhæfni, sorphirðu, líffræðilegum fjölbreytileika o.s.frv. Einnig er horft til þess sem boðið er sem greiðsla fyrir lóðina/byggingarréttinn. Að lokum fær vinningsteymið leyfi til að fjárfesta í lóðinni og framkvæma verkefnið. Það er á endanum á valdi viðkomandi borgar hvort að þeim samningi/sölu verði.
Þau teymi sem valin voru áfram í Reykjavík voru
Svæði: Lágmúli
POSITIVE ENERGY
Teymisstjóri: MAUD CAUBET ARCHITECTES
Arkitektar: MAUD CAUBET ARCHITECTES / TEIKNISTOFAN TRÖÐ EHF
Umhverfisráðgjafi: VERKIS / OASIIS / CANNDIE MAGDELENAT
FABRIC
Teymisstjóri: MTHØJGAARD
Arkitektar: BASALT ARCHITECTS / LANDMÓTUN
Umhverfisráðgjafi: EFLA CONSULTING ENGINEERS
Svæði: Frakkastígur
KANVA
Teymisstjóri: K ANVA ARCHITECTURE
Arkitektar: KANVA ARCHITECTURE , KRADS, ELEMENT, BEKA.
Umhverfisráðgjafi: ELLIO
REYKJAVIK COLLECTIVE
Teymisstjóri: SUNDABORG EHF
Umhverfisráðgjafi: VSO CONSULTING EHF
GRAENT PEBBLE
Teymisstjóri: MAUD CAUBET ARCHITECTES
Arkitektar: MAUD CAUBET ARCHITECTES / TEIKNISTOFAN TRÖD EHF
Umhverfisráðgjafi: VERKIS / CANDDIE MAGDELENAT
Svæði: Ártúnshöfði
URBAN DELTA
Teymisstjóri: VSO RAÐJÖF
Arkitektar: VSO RAÐJÖF, JVANTSPIJKER
Umhverfisráðgjafi: VSO RADGJOF
SAMRAEKT - GROWING TOGETHER
Teymisstjóri: SAMRAEKT EHF
Umhverfisráðgjafi: LANDING AQUACULTURE
LIFANDI LANDSLAG
Teymisstjóri: UPPHAF / HEILD
Arkitektar: JAKOB+MACFARLANE / T.ARK ARKITEKTAR / LANDSLAG
Umhverfisráðgjafi: EFLA CONSULTING ENGINEERS LTD