Nemendaverðlaun Skóla- og frístundaráðs voru afhent í sautjánda sinn við hátíðlega athöfn í Háteigsskóla í dag, 28. maí.
Formaður skóla- og frístundaráðs, Skúli Þ. Helgason, afhenti verðlaunin en þau hafa verið veitt árlega frá því 2003. Verðlaunin fá nemendur sem skara fram úr í námi og starfi í grunnskólum borgarinnar. Hver skóli tilnefnir einn nemanda til verðlaunanna og sendir upplýsingar til valnefndar. Að þessu sinni bárust 33 tilnefningar um nemendur sem skara fram úr í námi, félagsfærni, virkni í félagsstarfi eða hafa sýnt frábæra frammistöðu á tilteknu sviði skólastarfs. Aldur nemenda í ár spannar árgangana frá 4. - 10. bekkja grunnskóla sem sýnir að nemendur á öllum aldri geta skarað fram úr og verið góðar fyrirmyndir á ólíkum sviðum.
Verðlaunin eru veitt fyrir;
- Góðan námsárangur, almennt eða í tiltekinni grein
- Góðar framfarir í námi, almennt eða í tiltekinni grein
- Virkni í félagsstarfi, að vera jákvæð fyrirmynd, sýna frumkvæði eða leiðtogahæfileika
- Frábæra frammistöðu í íþróttum eða listum, s.s. skák, boltaíþróttum, sundi, frjálsum íþróttum, dansi, myndlist eða tónlist
- Listsköpun eða tjáningu í skólastarfi, s.s. í myndlist, tónlist, leiklist, handmennt, dansi eða upplestri
- Félagslega færni, samskiptahæfni og framlag til að bæta eða auðga bekkjar- eða skólaanda
- Nýsköpun eða hönnun, s.s. smíði, hannyrðir eða tæknimennt.
Sú hefð hefur skapast að veita verðlaunahöfum bókarverðlaun og hafa þær bækur sem hlotið hafa Barnabókaverðlaun Reykjavíkurborgar það árið yfirleitt orðið fyrir valinu. Í ár hlutu þrjár bækur barnabókaverðlaunin. Yngsti aldurshópurinn fær bókina Sagan um Skarphéðin Dungal eftir Hjörleif Hjartarson og Rán Flygenring en Rán fékk barnabókaverðlaunin sem mynhöfundur bókarinnar. Nemendur í 5. – 8. bekk fá bókina Villimærin fagra eftir Philip Pullman, en Guðni Kolbeinsson fékk verðlaun fyrir þýðingu sýna á bókinni. Nemendur í 9. og 10. bekk fá bókina Ljónið eftir Hildi Knútsdóttur sem fékk Barnabókaverðlaun Reykjavíkurborgar í ár fyrir bestu frumsömdu bókina.
Eftirtaldir nemendur hlutu Nemendaverðlaun skóla- og frístundaráðs árið 2019;
1. Christal Mae Trinidad Villados, 10. bekk Austurbæjarskóla
2. Signý Lára Bjarnadóttir, 10. bekk Árbæjarskóla
3. Arnór Gauti Vignisson, 7. bekk Ártúnsskóla
4. Dominik Damian Matysko, 10. bekk Breiðholtsskóla
5. Katla Sigurðardóttir, 10. bekk Dalskóla
6. Jón Arnór Styrmisson, 10. bekk Fellaskóla
7. Ingólfur Bjarni Elíasson, 10. bekk Foldaskóla
8. Þóra Fanney Hreiðarsdóttir, 7. bekk Fossvogsskóla
9. Matthías Kristinsson Schram, 10. bekk Hagaskóla
10. Evanas Salickas, 5. bekk Hamraskóla
11. Hera Karín Hallbjörnsdóttir, 10. bekk Háaleitisskóla
12. Karin Guttesen, 9. bekk Háteigsskóla
13. Ólína Stefánsdóttir, 8. bekk Hlíðaskóla
14. James Andre Oyola Yllescas, 4. bekk Hólabrekkuskóla
15. Eiríkur Emil Hákonarson, 4. bekk Húsaskóla
16. Agnes Inger Axelsdóttir, 10. bekk Kelduskóla
17. Daníel Smári Hafþórsson, 10. bekk Klettaskóla
18. Valborg Elísabet Guðnadóttir, 9. bekk Klébergsskóla
19. Kirill Zolotuskíy, 9. bekk Landakotsskóla
20. Saga María Sæþórsdóttir, 8. bekk Langholtsskóla
21. Egill Helgason, 10. bekk Laugalækjarskóla
22. Savo Guðmundur Rakanovic, 4. bekk Laugarnesskóla
23. Helena Sörensdóttir, 7. bekk Melaskóla
24. Rúnar Lee Winship, 10. bekk Norðlingaskóla
25. Hákon Garðarsson, 10. bekk Rimaskóla
26. Þröstur Ingi Gunnsteinsson, 7. bekk Selásskóla
27. Beatriz Soares Ladeira, 10. bekk Seljaskóla
28. Úlfur Hnefill Ómarsson, 5. bekk Skóla Ísaks Jónssonar
29. Sara Ósk Einarsdóttir, 10. bekk Sæmundarskóla
30. Júlía Guðmundsdóttir Gaehwiller, 10. bekk Tjarnarskóla
31. Embla Nótt Pétursdóttir, 10. bekk Vogaskóla
32. Anh-Ngoc Bui, 5. bekk Vættaskóla
33. Kjartan Helgi Guðmundsson, 9. bekk Ölduselsskóla