Upplýsingabæklingur um þjóðaratkvæðagreiðslu 2026 á auðlesnu máli
Miðstöð um auðlesið mál og Landskjörstjórn hafa útbúið auðlesnar upplýsingar um komandi þjóðaratkvæðagreiðslu. Markmiðið er að tryggja að allir hafi aðgang að skýrum upplýsingum um lýðræðisleg réttindi sín.
Markmiðið með bæklingum er að tryggja að allir hafi aðgang að skýrum upplýsingum um lýðræðisleg réttindi sín. Auðlesið mál er ekki einungis einföldun heldur mikilvægt aðgengistæki. Það tryggir að einstaklingar með lestrar- eða lesskilningsörðugleika hafi sama aðgang að upplýsingum og aðrir.
Samningur Sameinuðu þjóðanna um réttindi fatlaðs fólks (SRFF) leggur áherslu á að tryggja rétt fatlaðra til að fá upplýsingar á máli sem þeir skilja. Með auðlesnu máli er stuðlað að jöfnum tækifærum og sjálfstæði allra.
Það er mikilvægt að fólk fái tækifæri til að kynna sér kosningarnar á auðlesnu máli sem er aðgengilegt öllum.
Í bæklingnum er fjallað um:
- Hvað kosningarnar snúast um.
- Muninn á ESB og EES.
- Hvað aðildarviðræður eru.
- Hvað gerist ef þjóðin segir já.
- Hvað gerist ef þjóðin segir nei.
- Og margt fleira.
- Meira um upplýsingabækling á auðlesnu máli um þjóðaratkvæðagreiðslu 2026.
- Á vef Landskjörstjórnar eru upplýsingar um hvernig á að kjósa
- Upplýsingabæklingur á auðlesnu máli um þjóðaratkvæðagreiðslu 2026 til útprentunar.