Hljómsveitin Falinn gjóður sigraði Músíktilraunir 2026

Mikil fjölbreytni var í stefnum og stílum atriðanna og aðsókn á bæði undan- og úrslitakvöld var með eindæmum góð, sérstaklega með tilliti til veðurs sem var vægast sagt skrautlegt, og mátti ekki tæpara standa að allir keppendur kæmust á svæðið.

Eftir æsispennandi úrslitakvöld þar sem 11 atriði kepptu var niðurstaða dómnefndar og símakosningar tilkynnt. Glæsileg verðlaun voru veitt: hljóðverstímar, spilamennska á tónlistarhátíðum, flug með Icelandair og úttektir í hljóðfæraverslunum svo dæmi séu nefnd. Öllum keppendum tilraunanna er svo boðið í Hitakassann; námskeið haldið af Tónlistarmiðstöð, Hinu húsinu og Tónlistarborginni Reykjavík sem undirbýr ungt fólk fyrir feril í tónlist.

Í úrslitum Músíktilrauna 2026 kepptu eftirfarandi atriði:

Falinn Gjóður, Gammosíur, Lára, Myrkviði, Noisegate, Impazzive, Ovium, Brenninetla, Útumallt & appelsín, Zötzy, Þrumudætur. 

Eftirfarandi aðilar hlutu verðlaun á Músíktilraununum í ár og verður spennandi að fylgjast með þessu hæfileikaríka tónlistarfólki í framtíðinni:

1. verðlaun: Falinn gjóður

2. verðlaun: Brenninetla

3. verðlaun: Lára

 

Hljómsveit fólksins: Gammosíur

Söngvari
Lára Björk Hall – Gammosíur

Gítarleikari Músíktilrauna
Stígur Grendal Sævarsson – Brenninetla

Bassaleikari Músíktilrauna
Úlfhildur Júlía Stephensen – Gammosíur

Hljómborðsleikari Músíktilrauna
Baldur Þórarinsson – Falinn gjóður

Trommuleikari
Andri Eyfjörð –  Myrkviði

Rafheili Músíktilrauna
Lára Rún Eggertsdóttir – Lára

Höfundaverðlaun FTT
Útumallt & appelsín

Viðurkenning fyrir textagerð á íslensku
Myrkviði

Innilega til hamingju með verðlaunin!