Hlíðaskóli og Norðlingaskóli áfram í úrslit Skrekks
Þriðja undanúrslitakvöld Skrekks 2026 fór fram í Borgarleikhúsinu í gærkvöldi, 11. nóvember. Alls stigu 285 ungmenni í Reykjavík á svið um kvöldið með frumsamin verk þar sem fjölbreyttir hæfileikar þeirra fengu að njóta sín.
Níu grunnskólar tóku þátt en það voru Austurbæjarskóli, Fellaskóli, Hagaskóli, Háteigsskóli, Hólabrekkuskóli, Ingunnarskóli, Klébergsskóli, Norðlingaskóli og Ölduselsskóli.
Fjölluðu um réttindi kvenna og að það sé í lagi að vera hræddur
Í úrslit komust Hlíðaskóli og Norðlingaskóli. Atriði Hlíðaskóla, Heimsendir, fjallar um að tjá sig áður en það er of seint og að það er í lagi að vera hræddur. Atriði Norðlingaskóla, Frjálsari í gær, fjallar um sviptingu á réttindum kvenna og er samið til heiðurs konum um víðan heim sem börðust fyrir réttindum kvenna.
Nú eru sex skólar búnir að tryggja sig áfram í úrslitin sem haldin verða næstkomandi mánudag, 16. nóvember. Það eru Árbæjarskóli, Langholtsskóli, Breiðholtsskóli, Klébergsskóli og nú Hlíðaskóli og Norðlingaskóli. Tvö skólar komast svo inn til viðbótar og hvaða skólar það verða kemur í ljós síðar.
Í heildina eru 793 þátttakendur í Skrekk í ár. Öll atriðin má sjá á vef UngRUV.is.
Forsíðumyndin er af atriði Hlíðaskóla.
Myndir tók Anton Bjarni.
