Skiptivinnudvöl fyrir tónlistarfólk: Reykjavík - Nantes

Ritstjórn

Menning og listir

tonlistarborgin

Tónlistarborgin Reykjavík, City of Nantes, Tónlistarmiðstöð, STEF, hafnar.haus og tónlistarmiðstöðin Trempo í Nantes bjóða upp á skiptivinnudvöl fyrir tónlistarfólk, annars vegar frá Reykjavík og hins vegar frá Nantes.

Markmið verkefnisins er að tengja saman borgirnar tvær og tónlistarsamfélög þeirra, auk þess að stuðla að sjálfbæru samstarfi með því að nýta kraft tónlistar og sköpunar. 

Vinnudvölin býður útvöldum einstaklingi tækifæri til að skapa tónlist í fullbúnu hljóðveri og æfingarými í 2-3 vikur, án tiltekinna kvaða um endanlega útkomu þeirrar vinnu. Dvölin er jafnframt einstakt tækifæri fyrir viðkomandi til að tengjast tónlistarsenunni í Nantes og þar með Frakklandi, jafnt öðru listafólki sem og aðilum úr tónlistariðnaðinum. 

Trempo er einstök tónlistarstofnun í Nantes sem hefur helgað sig öllu sem viðkemur iðkun, sköpun, framleiðslu og flutningi nýrrar tónlistar. Hún var stofnuð árið 1990 og er staðsett í 7 hæða byggingu í hjarta borgarinnar. Rýmið samanstendur af 2.300 m2 vinnurými, 16 hljóðverum, verönd og bar.

Tímasetningin sem er áætluð fyrir vinnudvölina fyrir tónlistarmanneskju frá Reykjavík í Nantes er frá 10.–26. september 2025. Nákvæm tímasetning verður ákveðin í samráði við þann umsækjanda sem verður valinn. Markmið verkefnisins er að tengja saman borgirnar tvær og tónlistarsamfélög þeirra, auk þess að stuðla að sjálfbæru samstarfi með því að nýta kraft tónlistar og sköpunar. Verkefnið er unnið í samstarfi við Franska sendiráðið á Íslandi, Alliance Française de Reykjavik, ARDIAN og STEF.

Umsóknarkröfur

  • Viðkomandi þarf að vera tónlistarmanneskja (tónskáld, flytjandi eða upptökustjóri) 
  • Æskilegt er að viðkomandi sé komin/n nokkuð áleiðis með að byggja upp feril og hafi tónlistarlegt og faglegt bakland. 
  • Þarf að vera “export-ready”
  • Tekið er við umsóknum óháð tónlistarstefnu
  • Viðkomandi þarf að vera vanur því að vinna sjálfstætt.
  • Æskilegt er að umsækjandi hafi reynslu af því að leiða vinnustofur eða meistaranámskeið.
  • Skilyrði er að umsækjandi sé meðlimur STEFs.

Hvað er í boði?

Umsækjandi sem verður fyrir valinu fær: 

  • Greiddan ferðakostnað frá Íslandi til Nantes og til baka 
  • Gistiaðstöðu
  • Dagpeninga
  • Verkefnastyrk (700 evrur). 
  • Æfingahúsnæði sem staðsett er í Trempo, Nantes. Innan ramma þessa samstarfsverkefnis býðst einnig vinnuaðstaða í hljóðveri Trempo 
  • Listræna aðstoð og stuðning frá teymi Trempo. Fundir og tengslamyndun við tónlistarsenuna í Nantes

Tónlistarmanneskjunni býðst að: 

  • Koma fram á tónleikum í Trempo 
  • Leiða vinnustofu, sem greitt er fyrir, í Trempo. Þema vinnustofunnar verður valið í samstarfi við þann umsækjanda sem fer út.

Tímasetning

Tímasetningin sem er áætluð fyrir vinnudvölina fyrir tónlistarmanneskju frá Reykjavík í Nantes er frá 10. - 26. september 2025. Nákvæm tímasetning verður ákveðin í samráði við þann umsækjanda sem verður fyrir valinu.  

Umsókn

Vinsamlegast athugið að umsókn þarf að svara á ensku. Það sem þarf að koma fram í umsókn:

Umsóknarfrestur er til 20. apríl  2025.

Umsóknum verður svarað í maí 2025.

Ef þú hefur spurningar vinsamlegast sendið til: tonlistarborgin@reykjavik.is