Ferðamálaþing verður haldið miðvikudaginn 27. apríl 2022 á Hilton Nordica. Húsið opnar kl. 8.00 með morgunhressingu en dagskrá byrjar kl. 8.30 og er til kl. 10:30.
Undanfarið eitt og hálft ár hefur samstarfsvettvangur sveitarfélaga og atvinnulífsins á höfuðborgarsvæðinu unnið að undirbúningi að uppbyggingu og þróun áfangastaðarins höfuðborgarsvæðið. Í því felst meðal annars gerð áfangastaðaáætlunar og stofnun Áfangastaðastofu. Af því tilefni verður ferðamálaþing haldið um verkefni og framtíðarsýn Áfangastaðastofu höfuðborgarsvæðisins.
Aðalfyrirlesari þingsins verður Leena Lassila, framkvæmdastjóri alþjóðasölu hjá Helsinki Partner sem rekur Helsinki Marketing sem er áfangastaðastofa svæðisins.
Spyrjum spurninga og leitum svara.
Spurninga eins og:
Af hverju erum við að gera þetta?
Hvað er áfangastaðastofa?
Hver er framtíðarsýn áfangastaðarins?
Hvernig koma ferðaþjónustuaðilar til með að taka þátt og hver eru næstu skref?
Hver er sérstaðan og hvernig viljum við nýta hana?
Nánari dagskrá auglýst síðar.
Við hvetjum alla hagaðila til þátttöku á ferðamálaþinginu.
Vinnum þetta saman!
Öll velkomin!