Nýr samningur um sjúkraflutninga á höfuðborgarsvæðinu
Sjúkratryggingar Íslands (SÍ) og Slökkvilið höfuðborgarsvæðisins (SHS) hafa gert með sér nýjan samning um sjúkraflutninga á höfuðborgarsvæðinu til næstu fimm ára.
Þjónustusvæði sjúkraflutninga er höfuðborgarsvæðið, en þar er átt við Reykjavík, Kópavog, Garðabæ, Hafnarfjörð, Seltjarnarnes, Mosfellsbæ, Kjósarhrepp og Bláfjallasvæðið en getur undantekningartilvikum verið í þjónustu út fyrir þjónustusvæðið.
Í samningnum eru nýmæli sem miða að því að þróa og efla þjónustuna, með áherslu á aukið samstarf aðila um framkvæmd samningsins, þátttöku SHS í innleiðingu tækni- og fjarheilbrigðislausna og ákvæði sem festir hlutverk vettvangsliða í sessi. Þá er lögð aukin áhersla á gæði og þróun þjónustunnar.
þar er m.a. gert ráð fyrir að árið 2030 verði mögulegt að veita sjúklingi bráðaþjónustu eins fljótt og kostur er hvort sem er á vettvangi eða í sjúkrabíl. Tryggja skal að þjónusta við notendur sé ávallt í fyrirrúmi.
Samningurinn er gerður á grundvelli fjárveitinga til verkefnisins og hann tekur til allra bráðaflutninga auk flutninga til og frá spítala á öldrunarstofnanir.
Stjórn SHS er skipuð framkvæmdastjórum aðildarsveitarfélaganna sex eða fulltrúum þeirra og jafnmörgum til vara. Fulltrúi fjölmennasta sveitarfélagsins, borgarstjórinn í Reykjavík, er formaður stjórnar og skrifaði því undir samninginn.