Innkalla Häagen-Dazs vanilluís

Ástæða innköllunar er að varnarefnið ethylene oxíð var notað við framleiðslu á vanilluextrakti sem er eitt af innihaldsefnum íssins.  Ethylene oxíð er ekki leyfilegt til notkunar við framleiðslu matvæla í Evrópu.

Ethylene oxíð hefur ekki bráða eiturvirkni en efnið hefur erfðaeituráhrif (getur skaðað erfðaefnið) og getur því haft skaðleg áhrif á heilsu fólks.

Upplýsingar um vöru sem innköllunin einskorðast við:

• Vörumerki: Häagen-Dazs
• Vöruheiti: Vanilla
• Geymsluþol: Best fyrir  Dagsetning: 6.10.2022, 3.3.2023, 29.3.2023
• Nettómagn: 460 ml
• Strikamerki: 3415581101928
• Geymsluskilyrði: Frystivara
• Framleiðandi: General Mills
• Heiti og heimilisfang fyrirtækis sem innkallar vöru:
• Nathan & Olsen, Klettagörðum 19, 104 Reykjavík.

Um dreifingu sjá Hagkaup (Akureyri, Eiðistorgi, Garðabæ, Kringlan, Skeifan, Smáralind, Spöng), Pétursbúð ehf., Hlíðarkaup Sauðárkróki, Skagfirðingabúð, Extra (Akureyri, Barónsstíg, Keflavík), Heimkaup og Melabúðin.

Viðskiptavinir sem keypt hafa Häagen-Dazs vanilluís með ofangreindum best fyrir dagsetningum eru beðnir um að neyta hans ekki og farga eða skila til Nathan & Olsen.

Nánari upplýsingar um innköllunina veitir Davíð Hansson Wíum í síma 821 8414 eða í tölvupósti, david.wium[hja]nathan.is.