Þrjú sóttu um leikskólastjórastöðu í leikskólann Ösp í Breiðholti. Frestur til að sækja um stöðuna rann út mánudaginn 15. mars síðastliðinn.
Umsækjendur um stöðuna eru;
- Halldóra Sigtryggsdóttir
- Sigurður Karl Gunnarsson
- Óskar Jón Önnuson
Leikskólinn Ösp tók til starfa árið 1980 og er staðsettur í hjarta Fellahverfis. Í leikskólanum eru þrjár deildir og samtals 52 börn. Ráðið verður í stöðuna frá 1. júlí næstkomandi.