Ölgerðin Egill Skallagrímsson, að höfðu samráði við Heilbrigðiseftirlit Reykjavíkur, hefur stöðvað sölu og innkallað frá neytendum Tuborg Julebryg jólabjór í 330 ml glerflöskum.
Ástæða innköllunar er að glerbrot fannst í flösku. Hætta á glerbroti gera matvæli ekki örugg til neyslu.
Upplýsingar um vöru sem innköllunin einskorðast við:
- Vörumerki: Tuborg
- Vöruheiti: Julebryg
- Strikamerki: 5690541009676
- Pökkunardagur: 18.11.21 og 19.11.21
- Geymsluþol: Best fyrir Dagsetning: 18.08.22 og 19.08.22
- Lotunúmer: 02L21322 og 02L21323
- Umbúðir: Glerflöskur
- Nettómagn: 330 ml (33 cl)
- Heiti og heimilisfang fyrirtækis sem innkallar vöru:
- Ölgerðin Egill Skallagrímsson, Grjóthálsi 7-11, 110 Reykjavík.
Um dreifingu sjá verslanir ÁTVR og ýmsir veitinga- og gististaðir.
Neytendum sem hafa keypt matvælin er bent á að neyta þeirra ekki og farga eða skila þeim til þeirrar verslunar þar sem þau voru keypt gegn endurgreiðslu eða skiptum á samskonar vöru.
Nánari upplýsingar um innköllunina veitir Guðni Þór Sigurjónsson, forstöðumaður Vöruþróunar og gæðadeildar, í síma 412 8000.