Heilsa ehf. hefur að höfðu samráði við Heilbrigðiseftirlit Reykjavíkur stöðvað sölu og innkallað frá neytendum kjúklingabaunir, vörumerki Sólgæti.
Skordýr, bjöllur, hafa fundist í vörunni en það gerir matvælin óhæf til neyslu.
Upplýsingar um vörur sem innköllunin einskorðast við:
- Vörumerki: Sólgæti
- Vöruheiti: Kjúklingabaunir
- Geymsluþol: Best fyrir Dagsetning: 31.07.2021
- Strikamerki: 5024425282945
- Nettómagn: 500 g
- Framleiðandi: Pakkað í Bretlandi af The Health Store fyrir Heilsu ehf.
- Upprunaland: Tyrkland
- Það er Heilsa ehf., Bæjarflöt 1-3, 112 Reykjavík, sem innkallar vöruna.
Það er Heilsuhúsin, Fjarðarkaup, Kaupfélag Vestur-Húnvetninga, Melabúðin, verslanir Samkaupa, þ.m.t. Nettó sem selja vöruna.
Viðskiptavinir sem keypt hafa ofangreinda vöru eru beðnir um að neyta hennar ekki og farga.
Nánari upplýsingar veitir Heilsa ehf. í síma 533 3232 en einnig er hægt að senda tölvupóst á netfangið heilsa@heilsa.is.