Það viðrar vel til gatnahreinsunar í Reykjavík. Götur verða sópaðar um helgina.
Veðrið verður væntanlega gott um helgina á höfuðborgarsvæðinu. Veðurspáin fyrir laugardaginn hljómar svona: Austlæg átt 8-13 m/s, en 10-15 seinnipartinn á morgun. Skýjað að mestu, en úrkomulítið. Hiti 4 til 9 stig.
Það er því tækifæri til að gera jólahreingerningu á götunum. Nóatún og Langahlíð, Suðurlandsbraut, Skeiðarvogur og Réttarholtsvegur, Bústaðavegur og Grensásvegur verða hreinsaðar um helgina.
Markmiðið er m.a. að draga úr svifryki og nota tækifærið til að sópa í þessu fína veðri og gera umhverfið okkar snyrtilegt.
Góða helgi.