Borgarstjóri Philadelphiuborgar, James Kenney, er nú staddur í Reykjavík í opinberri heimsókn í boði Dags B. Eggertssonar borgarstjóra. Heimsóknin er í beinu framhaldi af opinberu boði borgarstjóra Reykjavíkur til Philadelphiu fyrr í vikunni.
Kenney borgarstjóri kom ásamt föruneyti sínu til landsins seint í gærkvöldi. Hann mun kynna sér uppbyggingu á Granda nú kl. 10:15, og ganga þaðan í Marshallhúsið þar sem boðið verður upp á hádegisverð.
Kenney heldur erindi í dag á opnun fundi á vegum HÖFÐA Friðarseturs Reykjavíkurborgar og Háskóla Íslands sem nefnist Philadelphia: Borg sem fagnar innflytjendum. Fundurinn er haldinn í fyrirlestrarsal Þjóðminjasafns og hefst kl. 16:00 og er öllum opinn.
Gestunum er svo boðið til hátíðarkvöldverðar í Höfða kl. 19.
Dagskrá opinberrar heimsóknar James Kenney borgarstjóra Philadelphiu
Fimmtudagur 1. júní
- 10:15 Farið frá Hótel Reykjavik Marina og gengið um Granda og þaðan yfir í Marshallhúsið
- 12:00-13:00 Hádegisverður
-
16:00-17:30 Opinn fundur í fyrirlestarsal Þjóðminjasafnsins á vegum HÖFÐA Friðarseturs Reykjavíkurborgar og Háskóla Íslands.
Á þessu málþingi mun borgarstjóri Philadelphia, James F. Kenney, fjalla um það hvers vegna borgin hefur markað sér stefnu sem er hliðholl innflytjendum.
Dagur B. Eggertsson, borgarstjórinn í Reykjavík opnar fundinn.
Pallborðsumræður
Áslaug María Friðriksdóttir, borgarfulltrúi
S. Björn Blöndal, formaður borgarráðs
Sigrún Ólafsdóttir, prófessor í félagsfræði við Háskóla Íslands
Fundarstjóri: Björn Malmquist, fréttamaður á RÚV
Málstofan fer fram á ensku og er öllum opin.
- 19:00 Hátíðarkvöldverður í Höfða
Föstudagur 2. júní
- 09:00 Heimsókn í Alþingishúsið
- 10:30 Ferð í Bláa lónið