Rimaskólastúlkur stóðu sig vel í Stóru upplestrarkeppninni

Bekkjarsysturnar Katrín Ósk Arnarsdóttir og Ingibjörg Ragna Pálmadóttir í 7. bekk Rimaskóla urðu hlutskarpastar lesara sem kepptu til úrslita í Stóru upplestrarkeppninni í Grafarvogi, en hún fór fram í Grafarvogskirkju 7. mars. Í þriðja sæti var Gabríel Rómeó R. Johnsen frá Húsaskóla.

 

Fjórtán nemendur úr grunnskólum í Grafarvogi og á Kjalarnesi spreyttu sig í úrslitunum, tíu stúlkur og fjórir drengir sem öll höfðu áður unnið keppnina innan síns skóla. Markmið Stóru upplestrarkeppninnar er að vekja athygli og áhuga nemenda 7. bekkjar á vönduðum upplestri og framburði.

 

Keppendur lásu einn sögukafla úr bókinni Flugan sem stöðvaði stríðið eftir verðlaunahöfundinn Bryndísi Björgvinsdóttur, ljóð eftir Guðmund Böðvarsson (1904 – 1974) og loks ljóð að eign vali.

 

Allir keppendur fengu bók að gjöf. Umsjón með keppninni hafði Ragnheiður Axelsdóttir kennsluráðgjafi í Miðgarði. 

 

Þátttakendur voru: 

Foldaskóli: Sæmundur Árnason, Vala Rún Kristjánsdóttir

Hamraskóli: Júlía Heiður Guðmundsdóttir, Sara Karin Kristinsdóttir

Húsaskóli: Gabríel Rómeó R. Johnsen, Guðrún Vernharðsdóttir

Kelduskóli: Ásdís María Hrafnsdóttir, Gréta Lind Jökulsdóttir

Klébergsskóli: Jóel Magnússon, Rebekka Rán Kristjánsdóttir

Rimaskóli: Ingibjörg Ragna Pálmadóttir, Katrín Ósk Arnarsdóttir

Vættaskóli: Einar Andri Víðisson, Sara Ósk Ólafsdóttir