Borgarbókasafnið í Menningarhúsi Spangarinnar verður með námskeið alla miðvikudaga 28. sept. – 16. nóv. frá kl. 17-18.30. Áhersla verður á að blása lifi í sögur af eigin lífi.
Öll eigum við okkar sögu. Þær sögur eru fjársjóðir sem margir liggja á eins og ormar á gulli. Á þessu námskeiði verður lögð áhersla á að blása lífi í sögur af eigin lífi með því að rifja upp eftirminnileg eða áhugaverð atvik í lífi þátttakenda.
Á námskeiðinu fá þátttakendur leiðbeiningar um hvernig gæða má sögurnar lífi og litum svo þær verði athyglisverðar og áheyrilegar – þannig að þær ljómi eins og gull.
Námskeiðið er þátttakendum að kostnaðarlausu og því lýkur svo með uppskeruhátíð á degi íslenskrar tungu, þann 16. nóvember.
Borgarbókasafnið | Menningarhús Spönginni
Nánari upplýsingar veitir:
Nánari upplýsingar veitir:
Ólöf Sverrisdóttir, verkefnastjóri
Netfang: olof.sverrisdottir@reykjavik.is
Sími: 6647718
www.borgarbokasafn.is