Fjárstyrkir á vegum Hverfisráðs Vesturbæjar

Hverfisráð Vesturbæjar auglýsir hér eftir áhugasömum einstaklingum, stofnunum og félagasamtökum til að sækja um í sjóð ráðsins, en Hverfisráðið mun úthluta að hámarki 200.000 kr. þann 1. maí 2016. Umsóknum skal skilað fyrir 1. apríl. n.k. í rafrænu formi til Harðar sem er verkefnastjóri í Vesturgarði á netfangið hordur.heidar.gudbjornsson@reykjavik.is

Hér að neðan eru upplýsingar um reglur sjóðsins:

1. Markmið með styrkjum Hverfisráðs er að styrkja ýmis verkefni og starfsemi sem á einn eða annan hátt styður við eða stuðlar að ýmsum verkefnum og uppákomum í Vesturbænum.

2. Hverfisráðið ákveður í sameiningu hvort viðkomandi umsækjandi fái þann styrk sem sótt er um.

3. Árleg framlög eru að hámarki 400.000 kr. en úthlutað er úr sjóð ráðsins tvisvar á ári, 1. maí og 1. nóvember.

4. Umsóknir skulu hafa borist fyrir 1. apríl og 1. okt. ár hvert og skal auglýsa opinberlega í hverfismiðlum Vesturbæjar þegar hægt er að sækja um í sjóðinn.

5. Umsóknir eru metnar með hliðsjón af:

a) Markmiðum sem lýst er og hvort líklegt sé að þeim verði náð;

b) Hvort verk- og tímaáætlun sé raunhæf;

c) Hvort unnt sé að meta framvindu verksins.

6. Greiðslur úr sjóðnum verða greiddar út í einni greiðslu til viðkomandi aðila sem hlóta styrk hverju sinni.

7. Þeir aðilar sem fá úthlutað styrk skulu skila skýrslu um framvindu verkefnisins til verkefnastjóra í Vesturgarði í síðasta lagi ári eftir að styrkurinn er greiddur.

8. Hverfisráð getur óskað eftir því við styrkþega að þeir kynni verkefni sín, en ráðið metur hvort þörf er á því hverju sinni.

 

Á meðfylgjandi mynd má sjá fjölmenni saman komið á sumardaginn fyrsta í KR- heimilinu árið 2015 sem Hverfisráð styrkti