Ekki talin þörf á að foreldrar sæki börn í skóla eða frístundarstarf vegna veðursins. Veður er að ganga niður og eru aðstæður að verða eðlilegar samkvæmt tilkynningu frá Slökkviliði höfuðborgarsvæðisins.
Fyrr í dag þegar veður versnaði voru foreldrar beðnir um að fylgjast vel með veðurspám og tilkynningum í fjölmiðlum.
Lögð var áhersla á það í tilkynningu frá lögreglu og Slökkivliði höfuðborgarsvæðisins að börn sem komin væru í skóla dveldu þar fram að lokum skóla- og frístundastarfs eða þar til að veðrið gengi niður sem nú hefur gerst. Aðstæður teljast nú eðlilegar miðað við árstíð, mikil snjókoma og vindur farinn að lægja.
Nánari upplýsingar eru á vef Slökkviliðsins á höfuðborgarsvæðinu og á Facebook-síðu Slökkviliðs höfuðborgarsvæðisins bs.