Mannréttindaskrifstofa Reykjavíkurborgar mun veita utangarðsmönnum ráðgjöf í Gistiskýlinu við Lindargötu alla þriðjudagsmorgna frá kl. 8.30 - 10.00.
Allir geta nýtt sér ráðgjöfina en sérstaklega er ætlunin að ná til pólskumælandi manna. Tveir pólskumælandi ráðgjafar munu sjá um ráðgjöfina í Gistiskýlinu.
Markmiðið er að ná til þessara manna og benda þeim á þjónustu og lausnir sem þeim stendur til boða. Þeir verða tengdir við ráðgjafa á þjónustumiðstöðvum borgarinnar, sem leita munu varanlegra úrræða fyrir þá, ekki síst í húsnæðismálum.
Verkefnið er samstarfsverkefni mannréttindaskrifstofu og velferðarsviðs borgarinnar.