Farandsýningin, " Sharaku Interpreted – By Japan‘s contemporary artists," hefur verið opnuð í Ráðhúsi Reykjavíkur. Sýningin er byggð á verkum japanska listamannsins Toshusai Sharaku, sem var uppi á 18. öld.
Sharaku er þekktur fyrir portrettmyndir sínar af hefðbundnum japönskum leikhúsleikurum. Þó lítið sé vitað um persónulega sögu Sharaku og bakgrunn verka hans, hafa þau hlotið heimsathygli og haft áhrif á listamenn í Japan og víðar.
Sýningin samanstendur af veggspjöldum, málverkum og þrívíðum verkum eftir nútíma listamenn, þar sem þeir túlka á sinn frjálslega hátt þennan fremsta meistara svokallaðra Ukiyo-e prentverka, sem er tréblokkaprent.
Sýningin er þrískipt:
"Eftirgerð af Sharaku", "Sharaku í grafíklist", og "Virðingarvottur við Sharaku."
Sýningin er á vegum japanska sendiráðsins og stendur til 2. nóvember næstkomandi. Á sýningunni gefst einstakt tækifæri til að kynna sér japanska list og menningu.
Athugið frítt inn á sýninguna.
Opnunartímar:
Mánudaga-föstudaga 08:00-19:00
Laugardaga og sunnudaga 12:00-18:00