Fuglavika í Reykjavík hefst með málþinginu FUGLAR Í BORG í Norræna Húsinu kl 13. laugardaginn 17. október.
Reykjavík-iðandi af lífi og Fuglavernd boða til Fuglaviku í Reykjavík, dagana 17.-23. október þar sem boðið verður upp á margs konar fræðsluviðburði með það að markmiði að vekja athygli á því fjölskrúðuga fuglalífi sem glæðir borgina allt árið um kring.
Fuglavika hefst með áhugaverðu málþingi um fuglalífið í borginni undir yfirskriftinni „Fuglar í Borg“. á Málþinginu verður m.a. rætt um mikilvæg búsvæði fugla í Reykjavík og gildi þess að hafa fugla í okkar nánast umhverfi við nám og störf. Málþingið er opið öllum og aðgangur ókeypis. Boðið verður upp á léttar kaffiveitingar.
Dagskrá málþingsins er eftirfarandi:
13:00 Málþingið sett
13:10 Búsvæði fugla í Reykjavík - Snorri Sigurðsson, líffræðingur
13:45 Að ljósmynda fugla í Reykjavík - Elma Rún Benediktsdóttir, fuglaljósmyndari
14:10 Fuglar og leikskólinn - Sigrún Björg Ingþórsdóttir, leikskólastjóri
14:35 Málþingi slitið
14:40 Kaffi og með því
Að málþinginu loknu verður boðið upp á fuglaskoðun í Friðlandinu í Vatnsmýri kl. 15:00. Edward Rickson leiðir fuglaskoðunina.
Nánari upplýsingar um dagskrá Fuglaviku má finna á heimasíðum Reykjavík-iðandi af lífi og Fuglaverndar. Einnig er velkomið að hafa samband í síma eða tölvupósti.
Reykjavík-iðandi af lífi er fræðsluátak á vegum Reykjavíkurborgar um lífríki og náttúru borgarinnar. Sjá: vef Reykjavík-iðandi af lífi og Facebook. Sími: 411-8535. Netfang: idandi@reykjavik.is.
Fuglavernd eða Fuglaverndarfélag Íslands eru öflug félagasamtök á sviði náttúruverndar sem sérhæfa sig í að hlúa að hinu auðuga og dýrmæta fuglalíif landsins.
Sjá vefsíðu Fuglaverndar. Sími: 562-0477. Netfang: fuglavernd@fuglavernd.is.