Vegna endurnýjunar á vatnslögn verður akbraut til suðurs á Kringlumýrarbraut lokað frá gatnamótum Skipholts/Háaleitisbrautar að Miklubraut. Lokunin varir frá kl. 22.00 í kvöld til 7.30 á mánudagsmorgun.
Ökumenn á leið til suðurs um Kringlumýrarbraut geta valið um nokkrar hjáleiðir svo sem um Skipholt, Háaleitisbraut, Laugaveg eða Suðurlandsbraut. Lokunin yfir helgina hefur engin áhrif á umferð í norðurátt á Kringlumýrarbraut, né á umferð um Miklubraut.