Borgarstjóri Reykjavíkur Dagur B. Eggertsson afhenti í dag sameiginlega yfirlýsingu höfuðborga Norðurlanda í loftslagsmálum ásamt fulltrúum hinna höfuðborga Norðurlandanna.
Fulltrúi loftslagsnefndar SÞ tók við yfirlýsingunni þar sem kemur fram að borgirnar skuldbinda sig til að gera enn betur en landsstjórnir viðkomandi ríkja í að draga úr losun gróðuhúsalofttegunda. Í yfirlýsingunni, sem er að frumkvæði Reykjavíkurborgar kemur fram áskorun til þjóða heims um ná samkomulagi um að hitastig hækki ekki meira en 2°C.
Á blaðamannafundinum kom einnig fram mikilvægi samstarfs ólíkra aðila í loftslagsmálum og er höfuðborgaryfirlýsingin gott dæmi um það.
Dagur B. Eggertsson borgarstjóri segir mikilvægt að Reykjavík sýni frumkvæði í loftslagsmálum en mikil ógn geti stafað af þeim – verði ekki gripið til markvissra aðgerða. Höfuðborgir Norðurlanda geti mikið lært af hvor annarri og er þessi yfirlýsing tákn um mikla vináttu og gott samstarf borganna.
Yfirlýsing Norrænu höfuðborganna vegna loftslagsbreytinga sem afhent var í tengslum við loftslagsráðstefnu Sameinuðu þjóðanna (COP21) í París 2015 hljóðar svo í íslenskri þýðingu:
Við, borgarstjórar Norrænu höfuðborganna, skorum á samningsaðila á Loftslagsráðstefnu Sameinuðu þjóðanna (COP21) í París í ár til þess að grípa til afgerandi aðgerða sem styðja við markmið um verulega og tafarlausa minnkun á losun gróðurhúsalofttegunda, sem og aðlögun að loftslagsbreytingum.
Norrænu höfuðborgirnar eru í forystuhlutverki í baráttunni gegn loftslagsbreytingum og hafa axlað mikla ábyrgð með því að grípa til aðgerða til minnkunar á losun gróðurhúsalofttegunda. Viðurkennd forysta borganna á þessu sviði er ekki síst tilkomin vegna metnaðar á sviði nýsköpunar og notkunar endurnýjanlegra orkugjafa.
Borgirnar okkar við hafið
Norrænu höfuðborgirnar eiga margt sameiginlegt. Við erum hafnarborgir og hin órjúfanlegu tengsl við hafið hafa með jákvæðum hætti mótað eðli okkar og sérkenni. Norðlæg staðsetning okkar og sú staðreynd að borgirnar liggja allar að sjó gerir það að verkum að áskoranir þær sem við þurfum að kljást við í baráttu okkar við loftslagsbreytingar eru um margt líkar. Það er afar brýnt að við minnkum losun gróðurhúsalofttegunda og lágmörkum þannig þörf fyrir aðlögun að loftslagsbreytingum.
Hröðum ferlinu
Borgir okkar hafa sýnt öfluga forystu í því að draga úr losun gróðurhúsalofttegunda og auka þol sitt gegn loftslagsbreytingum (e. resilience). Aðilar Rammasamnings Sameinuðu þjóðanna um loftslagsbreytingar (UNFCCC) ættu að viðurkenna þessa viðleitni og um leið mikilvægt hlutverk borganna í þessum efnum. Leiðtogar Norrænna borga lýsa sig tilbúna til að halda áfram á þessari braut og grípa til enn frekari metnaðarfullra aðgerða til að bæta hag komandi kynslóða.
Borgir okkar hafa sýnt öfluga forystu í því að draga úr losun gróðurhúsalofttegunda og auka þol sitt gegn loftslagsbreytingum (e. resilience). Aðilar Rammasamnings Sameinuðu þjóðanna um loftslagsbreytingar (UNFCCC) ættu að viðurkenna þessa viðleitni og um leið mikilvægt hlutverk borganna í þessum efnum. Leiðtogar Norrænna borga lýsa sig tilbúna til að halda áfram á þessari braut og grípa til enn frekari metnaðarfullra aðgerða til að bæta hag komandi kynslóða.
Markmið okkar eru, í samræmi við þá ramma sem viðkomandi borgarstjórnir hafa sett sér, að:
• Berjast gegn loftslagsbreytingum með því að draga úr losun gróðurhúsalofttegunda umfram ríkjamarkmiðin
Samkvæmt mati Umhverfisstofnunar Sameinuðu þjóðanna (UNEP) má rekja um 75 prósent allrar losunar koltvísýrings til þess meirihluta mannkyns sem býr í borgum. Orkunotkun borga er mikil og þær því óhjákvæmilega hluti af þeirri lausn sem felur í sér að ná markmiðinu um að halda hnattrænni hlýnun undir 2°C. Með aukinni orkuskilvirkni og með því að skipta yfir í endurnýjanlega orkugjafa hafa Norrænu höfuðborgirnar unnið af mikilli elju að því að draga úr útblæstri. Þetta hafa þær gert óháð niðurstöðum loftslagsviðræðna fyrri ára. Loftslagssamningur sem með virkum hætti styddi við þessa vinnu myndi hins vegar greiða fyrir og styrkja viðleitni okkar.
Samkvæmt mati Umhverfisstofnunar Sameinuðu þjóðanna (UNEP) má rekja um 75 prósent allrar losunar koltvísýrings til þess meirihluta mannkyns sem býr í borgum. Orkunotkun borga er mikil og þær því óhjákvæmilega hluti af þeirri lausn sem felur í sér að ná markmiðinu um að halda hnattrænni hlýnun undir 2°C. Með aukinni orkuskilvirkni og með því að skipta yfir í endurnýjanlega orkugjafa hafa Norrænu höfuðborgirnar unnið af mikilli elju að því að draga úr útblæstri. Þetta hafa þær gert óháð niðurstöðum loftslagsviðræðna fyrri ára. Loftslagssamningur sem með virkum hætti styddi við þessa vinnu myndi hins vegar greiða fyrir og styrkja viðleitni okkar.
• Draga úr áhrifum hækkandi sjávarborðs, flóða og öfga í veðurfari með því að auka þol borga okkar gegn loftslagsbreytingum
Eins og aðrar borgir stöndum við frammi fyrir breytingum í átt að öfgafyllra veðurfari, með miklum rigningum, mikilli snjókomu og skertri líffræðilegri fjölbreytni. Norrænu höfuðborgirnar leggja nú fjárfestingu í úrræði til aðlögunar. Á sama tíma höfum við sýnt fram á arðbærni þess að minnka útblástur frá borgum samanborið við kostnað sem hlýst af því að laga borgirnar að breyttu veðurfari.
Við skuldbindum okkur til að berjast gegn loftslagsbreytingum og auka þol borganna með því að:
• Setja minnkun gróðurhúsalofttegunda áfram efst á forgangslista Norrænna höfuðborga.
• Styðja hver aðra í leit okkar að nýskapandi lausnum til að minnka útblástur.
• Minnka áhrif hækkandi sjávarborðs með vönduðu og nýskapandi skipulagi.
• Taka tillit til lífræðilegrar fjölbreytni í borgum okkar með vönduðu og nýskapandi skipulagi og stefnumörkun.
• Deila þekkingu, hugmyndum og bestu starfsvenjum um hvernig draga megi úr útblæstri frá starfsemi okkar og viðhafa vistvæn innkaup.
• Styðja hver aðra í leit okkar að nýskapandi lausnum til að minnka útblástur.
• Minnka áhrif hækkandi sjávarborðs með vönduðu og nýskapandi skipulagi.
• Taka tillit til lífræðilegrar fjölbreytni í borgum okkar með vönduðu og nýskapandi skipulagi og stefnumörkun.
• Deila þekkingu, hugmyndum og bestu starfsvenjum um hvernig draga megi úr útblæstri frá starfsemi okkar og viðhafa vistvæn innkaup.
Við hvetjum samningsaðila á loftslagráðstefnunni til að styðja borgir til djarfra ákvarðana
Norrænu höfuðborgirnar styðja og fagna öflugum skuldbindingum um verulega minnkun útblásturs í lokasamþykktum loftslagsráðstefnunnar, til að tryggja að hnattrænni hlýnun verði með virkum hætti haldið innan 2°C. Norrænu höfuðborgirnar hafa allar sett fram skuldbindingar, markmið og raunverulegar aðgerðir til að styðja við þessi markmið og eru tilbúnar til þess að hrinda þeim í framkvæmd.
Norrænu höfuðborgirnar styðja og fagna öflugum skuldbindingum um verulega minnkun útblásturs í lokasamþykktum loftslagsráðstefnunnar, til að tryggja að hnattrænni hlýnun verði með virkum hætti haldið innan 2°C. Norrænu höfuðborgirnar hafa allar sett fram skuldbindingar, markmið og raunverulegar aðgerðir til að styðja við þessi markmið og eru tilbúnar til þess að hrinda þeim í framkvæmd.
Við hvetjum samningsaðila á loftslagsráðstefnunni í París í desember 2015 til að styðja við aðgerðir Norrænu höfuðborganna, sem og við aðgerðir C40, Eurocities, ICLEI, Compact of Mayors og New Covenant of Mayors for Climate and Energy og tryggja öllum borgum nauðsynleg verkfæri og úrræði til að taka djarfar ákvarðanir í málefnum loftslagsins.
Borgarstjórar Norrænu höfuðborganna:
Frank Jensen, borgarstjóri Kaupmannahafnar
Pekka Sauri, staðgengill borgarstjóra Helsinki
Barbara Heinonen, borgarstjóri Mariehamn
Raymond Johansen formaður borgarráðs Osló
Dagur B. Eggertsson, borgarstjóri Reykjavíkur
Karin Wanngård, borgarstjóri Stokkhólms
Heðin Mortensen,borgarstjóri Tórshavn