Kynningar- og upplýsingafundur um breytingu á deiliskipulagi Sigtúns 38 og 40 verður haldinn þriðjudaginn 13. október kl. 17:00 í Borgartúni 12-14 í Vindheimum 7. hæð.
Fólk er boðið velkomið á upplýsingafund um breytingu á deiliskipulagi Sigtúns 38 og 40. Á fundinum verður farið yfir tillöguna, samgöngu-, umferðar og skólamál, einnig verður fjallað um innkomnar athugasemdir og viðbrögð við þeim.
Í breytingunni felst að lóð nr. 38 er stækkuð og heimiluð er aukin uppbygging hótels á henni og lóð nr. 40 er minnkuð og heimiluð er uppbygging íbúðarhúsa í sex byggingum á henni í stað gróðurskála. Þá eru skrifaðir nýir sérskilmálar fyrir báðar lóðirnar miðað við breytta uppbyggingu.
Tillagan var auglýst á sínum tíma frá 29. maí 2015 til og með 10. júlí 2015.
Fundurinn er haldinn þriðjudaginn 13. október kl. 17:00 í Borgartúni 12-14 í Vindheimum 7. hæð. Gengið er inn um eystri dyr í Borgartúni 12-14 og lyfta tekin upp á sjöundu hæð, þar er einnig farið inn um eystri dyr í Vindheima.
Skipulagsfulltrúinn í Reykjavík
skipulag@reykjavik.is