Kaupás ehf. hefur, í samráði við matvælaeftirlit Heilbrigðiseftirlits Reykjavíkur, innkallað þrjár tegundir af First Price naan-brauði vegna myglu.
Eftirfarandi upplýsingar auðkenna vörurnar sem innköllunin einskorðast við:
Vörumerki: First Price.
Vöruheiti: Naanbrød, Naanbrød hvidløgssmag og Mini naanbrød hvidløgssmag.
Strikanúmer: 7311041077856, 7311041074251 og 7311041074459.
Umbúðir: Plastpokar.
Nettómagn: 2 brauð í poka / 260 g. 4 brauð í poka / 232 g (mini naan-brauð).
Best fyrir: Allar „best fyrir“ dagsetningar.
Framleiðsluland: Bretland.
Dreifing: Verslanir Krónunnar, Nóatúns og Kjarvals um land allt.
Þeir neytendur sem eiga umræddar vörur eru beðnir um að skila þeim í þeirri verslun þar sem þær voru keyptar.